गृहपृष्ठ ∕
राजनीति ∕
गोमा लाभ सापकोटालाई प्रतिनिधि सभा सदस्यवाट पदमुक्त गर्न जनमतको संसद सचिवालयलाई पत्राचार गोमा लाभ सापकोटालाई प्रतिनिधि सभा सदस्यवाट पदमुक्त गर्न जनमतको संसद सचिवालयलाई पत्राचार
काठमाडौँ । जनमत पार्टीले प्रतिनिधि सभा सदस्य गोमा लाभ सापकोटालाई पदमुक्त गर्न सङ्घीय संसद् सचिवालयलाई पत्राचार गरेको छ । राजनीतिक दलसम्बन्धी ऐनको दफा ३४ अनुसार जनमतले सापकोटालाई दलबाट निष्कासन गरिएको जानकारी सचिवालयलाई दिएको हो । जानकारी पत्र अब सचिवालयले सभामुखसमक्ष पेस गर्नुपर्ने छ ।
सभा चलिरहेको अववस्थामा यस्तो सूचनाको जानकारी सभामै दिनुपर्ने व्यवस्था कानुनमा छ । कानुनले ह्विप उल्लङ्घन गरेमा वा दल त्याग गरेमा सदस्यलाई निष्कासनको अधिकार दललाई दिएको छ । सापकोटाको हकमा अहिलेसम्मका सबै पत्राचारमा ह्विप र दल त्यागको जानकारी भने जनमतले संलग्न गर्न सकेको छैन । सापकोटालाई पदबाट हटाउन जनमतले पत्राचार गरेको यो तेस्रो पटक हो । यसअघि दुई पटकसम्म कारबाहीको निर्णय अस्वीकृत भएको थियो ।
सभामुख देबराज घिमिरेले सापकोटामाथिको कारबाही कानुन र प्रक्रियागत रूपमा समेत प्रथम दृष्टिमै त्रुटिपूर्ण रहेको बताएका थिए । आठ महिनाको अवधिमा तेस्रो पत्राचार दलले गरेको हो । संसद् सचिवालयका अनुसार कात्तिक १ गते उक्त पत्र सचिवालयमा पुगेको थियो । औपचारिक रूपमा पत्र दर्ता भएको छैन ।
यसअघि दुई पटकसम्म गरेको पत्राचारमा कुनै तथ्यगत बेहोरा थप नगरी पुनः पत्र पठाइएको हो । सापकोटामाथि दल विभाजनका लागि सक्रियता बढाएको आरोप कारबाहीका क्रममा लगाइएको छ । यस्तै निर्माण व्यवसायीसँग रकम माग गरेको आरोप पनि दलले सापकोटामाथि लगाएको छ ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
काठमाडौं । कथाकार बखतबहादुर थापाको कथाकृति ‘आमा नभएको घर’ बजारमा आएको छ । यो उनको चौथो कथासंग्रह हो । २४
एजेन्सी । उत्तरी गाजामा रहेको एक विद्यालयमा इजरायलले हवाई आक्रमण गर्दा महिला र बालबालिकासहित २७ जना प्यालेस्टिनीको ज्यान गएको छ
काठमाडौं । काठमाडौं महानगरपालिकाले खाद्य प्रविधि तथा गुण नियन्त्रण विभागसँगको सहकार्यमा खाद्य सेवासँग सम्बन्धित बजार अनुगमनमा घुम्ती खाद्य प्रयोगशाला सञ्चालन
काठमाडाैँ । काठमाडाैँ लगायत देशको पूर्वी भागमा वायु प्रदूषणले खतराको तह पार गरेको छ । वायुको अवस्था मापन गर्ने आईक्यू
काठमाडौं । ‘पूर्णबहादुरको सारङ्गी’ ले सञ्चार तथा सूचना प्रविधि मन्त्रालय अन्तर्गतको सेन्ट्रल म्यानेजमेन्ट टिकट सिस्टम (बक्सअफिस) मा ४६ करोड ८०
पाल्पा । सामाजिक विभेद र लाञ्छनाका कारण समाजमा लुकेर बसेका लैङ्गिक तथा यौनिक अल्पसङ्ख्यक नागरिकहरू पछिल्लो समय खुल्न थालेका छन्