जनमत पार्टीले प्रधानमन्त्री प्रचण्डलाई विश्वास मत नदिने

काठमाडौँ । सिके राउत नेतृत्वको जनमत पार्टीले प्रधानमन्त्री पुष्पकमल दाहाल प्रचण्डलाई विश्वास मत नदिने भएको छ।

पार्टीको बैठकले प्रधानमन्त्री दाहाललाई विश्वास मत नदिने निर्णय गरेको सांसद अब्दुल खानले जानकारी दिए । प्रतिनिधि सभामा जनमत पार्टीका ६ जना सांसद छन् ।

प्रधानमन्त्री दाहालले शुक्रबार बिहान ११ बजे बस्ने प्रतिनिधि सभा बैठकमा विश्वास मतको प्रस्ताव पेस गर्दैछन् । जनमत पार्टीले दाहाल नेतृत्वको सरकारलाई अहिलेसम्म समर्थन गरेको थियो ।

मधेसमा जनमतको नेतृत्वमा सरकार छ। जनमत पार्टी नेतृत्वको सरकारलाई नेपाली कांग्रेस र नेकपा एमाले र लोसपाले विश्वासको मत दिएका थिए ।

कांग्रेस र एमालेबीच नयाँ समीकरण बनाउँदै राष्ट्रिय सहमतिको सरकार गठन गर्ने सहमति भएको थियो ।