काठमाडौँ । राष्ट्रिय स्वतन्त्र पार्टी (रास्वपा)ले नेकपा एमाले र नेपाली कांग्रेसबीचको समीकरणमा गम्भीर प्रश्न उठाएको छ । सोमबारको प्रतिनिधिसभाको विशेष समयमा बोल्दै रास्वपा सांसद मनिष झाले एमाले र कांग्रेसबीचको समीकरणमा गम्भीर प्रश्न उठाएका हुन् ।
उनले वर्तमान संविधान र राज्यसञ्चालन प्रणाली २०५९ मा पूर्वराजा ज्ञानेन्द्र शाह र २०६९ मा खिलराज रेग्मीलाई बुझाएजस्तै पुनः त्यस्तै हुने हो कि भन्ने आशंका गरे ।
उनले भने, ‘२०५९ मा गएर संविधान सदन र सरकार ज्ञानेन्द्रलाई बुझाएजस्तै । २०६९ मा खिलराज रेग्मीलाई आफ्नो अर्कमण्ठयताले बुझाएजस्तै नगनुहोला । तपाईंहरू सक्नुहुन्न भने हामी पालो कुरेर बसेका छौँ । बेचेनबिना हामी यसलाई पार लगाउन बसेका छौँ ।’
उनले संसदीय प्रणालीमा विश्वासको मत लिने संवैधानिक अधिकार भएको भन्दै चार दिन पर्खिन अनुरोध गरे । साथै उनले संसदीय प्रणाली र संविधान बनाउने दलहरू नै संविधान र प्रणालीमाथि किन अविश्वास जताएर चार दिन धैर्य गर्न नसकेको भन्ने प्रश्न पनि उठाए ।
उनले संविधानमा लेखिएको कुरा अभ्यास गरिरहेको भन्दै मध्यरातमा कुनै व्यापारीको घरमा गएर सहमति गर्ने दलहरूले आफूहरूलाई नैतिकताको पाठ पढाउन जरुरी नरहेको स्मरण गराए ।
