देउवाले बोलाए संसदीय दल बैठक

काठमाडौँ । नेपाली कांग्रेसका सभापतिसमेत रहेका संसदीय दल नेता शेरबहादुर देउवाले संसदीय दल बैठक बोलाएका छन् ।

यही असार २२ गते शनिबार अपराह्न ३ बजे बस्ने गरी सभापति देउवाले बैठक बोलाएको संसदीय दलको कार्यालयले जनाएको छ ।

कांग्रेसले गत असार १७ गते नेकपा एमालेसँग समीकरण गर्दै सरकार बनाउनेलगायत सहमति गरेको थियो। उक्त सहमतिलाई बुधबारको केन्द्रीय कार्यसम्पादन समितिले अनुमोदन गरिसकेको छ ।

एमालेसँग भएका सहमति र समसामयिक राजनीतिक घटनाक्रमबारे संसदीय दलमा छलफल हुने कांग्रेस संसदीय दलको कार्यालयले जनाएको छ ।