काठमाडौँ । नेकपा एकीकृत समाजवादीको दशौँ राष्ट्रिय महाधिवेशन आजदेखि सुरु हुँदैछ ।
प्रज्ञा प्रतिष्ठान कमलादीमा आयोजना हुने महाधिवेशनको उद्रघाटन आज हुँदैछ भने महाधिवेशन असार २० गतेसम्म चल्नेछ ।
महाधिवेशनमा राजनीतिक प्रतिवेदन, समाजवादी कार्यक्रम, विधानसम्बन्धी र साङ्गठनिक प्रतिवेदनमा छलफल हुने जनाइएको छ ।
महाधिवेशनमा प्रस्तुत गरिने आवश्यक दस्तावेज तयार भइसकेको एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले जानकारी दिएका छन् । ती दस्तावेज कम्युनिष्ट पार्टीको इतिहासमा नयाँ र जनअधिकारको पक्षमा महत्वपूर्ण हुने उनको विश्वास छ ।
एक हजार आठ सय ४९ प्रतिनिधिले महाधिवेशनमा भाग लिनेछन् भने ती प्रतिनिधिले दुई सय ९९ सदस्यीय कार्यसमिति तथा २१ पदाधिकारीको चयन गर्नेछन् ।
झण्ढै तीन वर्षअघि गठन गरिएको पार्टीले यस महाधिवेशनलाई दशौँ राष्ट्रिय महाधिवेशनका रुपमा दाबी गरेको छ ।
महाधिवेशनको उद्घाटन सत्रमा प्रधानमन्त्री पुष्पकमल दाहालका साथै प्रमुख राजनीतिक दलका शीर्ष नेताहरुलाई आमन्त्रण गरिएको पार्टी महासचिव घनश्याम भुसालले जानकारी दिए ।
