विराटनगर । प्रधानमन्त्री पुष्पकमल दाहाल ‘प्रचण्ड’ ले नेकपा एकीकृत समाजवादी नेपाली कांग्रेससँगको समीकरणमा नजाने दाबी गरेका छन् ।
विराटनगरमा पत्रकारसँग कुरा गर्दै उनले माधव नेपाल एमाले–माओवादीकै गठबन्धनमा रहने दाबी गरेका हुन् । अध्यक्ष नेपालसँग आफ्नो कुरा भइरहेको बताउँदै प्रधानमन्त्रीले सो दाबी गरेका हुन् ।
अध्यक्ष नेपाल बुधबार कांग्रेस सभापति शेरबहादुर देउवा निवासमा भएको प्रतिपक्ष दलको बैठकमा सहभागी भएका थिए । सो बैठकमा सहभागी भएको बारे बिभिन्न आशंका भइरहेको बेला प्रधानमन्त्री प्रचण्डले भने प्रमुख प्रतिपक्ष दल काँग्रेससहितको बैठकमा सहभागी हुनुलाई असहज रूपले नलिएको प्रतिक्रिया दिए ।
माधव नेपालसँग कुराकानी भइरहेको बताउँदै प्रधानमन्त्री प्रचण्डले भने, ‘आज बिहानमात्रै पनि मेरो उहाँसँग कुराकानी भएको थियो । कुराकानीका क्रममा नेपालले समीकरणभन्दा बाहिर नजाने भनेर स्पष्ट पार्नुभएको छ ।’
त्यस्तै, प्रचण्डले मधेश प्रदेश सरकार पनि गठबन्धनकै बन्ने दाबी गरे ।
