कांग्रेसको नाराबाजीका बीच पारित भयो राष्ट्रपतिलाई धन्यवाद दिने प्रस्ताव

काठमाडौँ । प्रतिनिधि सभा बैठकबाट राष्ट्रपतिलाई धन्यवाद प्रस्ताव पारित भएको छ । प्रमुख प्रतिपक्ष दल नेपाली कांग्रेसको अवरोधको बीच ध्वनी मतबाट राष्ट्रपतिलाई धन्यवाद प्रस्ताव पारित भएको हो ।

बैठकमा कांग्रेसका सांसदहरूले वेल घेराउ र नाराबाजी गरिरहँदा सभामुख देवराज घिमिरेले प्रधानमन्त्री पुष्पकमल दाहाल प्रचण्डले राष्ट्रपतिले जेठ १ गते गरेको सम्बोधनलाई प्रतिनिधि सभामा टेबल गर्न समय दिएका थिए ।

रोस्ट्रमबाट राष्ट्रपतिको सम्बोधन टेलब गरिरहँदा वेल घेराउमा उत्रिएका कांग्रेसका सांसदहरूले भने नाराबाजी गरिरहेका थिए ।

सभामुखले भने विपक्षी दलहरूको विरोधलाई बेवास्ता गर्दै धन्यवाद प्रस्तावलाई निर्णयार्थ पेस गरेका थिए ।