काँग्रेस संसदीय दलको बैठक बस्दै

काठमाडौँ । नेपाली काँग्रेस संसदीय दलको बैठक आज बस्दैछ । बैठक संघीय संसद भवन नयाँ बानेश्वर, ल्होत्से हलमा ९ बजे बस्ने जनाइएको छ ।

आज बस्ने संसद् बैठकमा प्रधानमन्त्री पुष्पकमल दाहालले विश्वासको मत लिँदै छन् । सहकारीको बचत रकम हिनामिना गरेको विषयमा गृहमन्त्री रवि लामिछानेमाथि छानबिन समिति गठनको माग गर्दै आएको काँग्रेसले संसद् बैठकमा कसरी प्रस्तुत हुने भन्ने विषयमा धारणा बनाउन बैठक बस्न लागेको हो ।

संसदीय दलको बैठक बस्नुअघि सभापति एवम् दलका नेता शेरबहादुर देउवाले संघीय संसद् भवनमा संसदीय दल कार्यसमितिमा छलफल गर्दै छन् ।