विदेशमा रहेका नागरिकले भोट हाल्न पाउने व्यवस्था गर्न बजेट छुट्याएको देखिनँः सासंद् लामिछाने

काठमाडौँ। राष्ट्रिय स्वतन्त्र पार्टी (रास्वपा)का सांसद रवि लामिछानेले विदेशमा रहेका नागरिकले भोट हाल्न पाउने व्यवस्थाका लागि बजेट छुट्याएको आफूले नदेखेको बताएका छन्। अर्थमन्त्री डा. प्रकाशशरण महतले बजेट भाषणमा विदेशमा रहेका नेपाली नागरिकले पनि भोट हाल्न पाउने अधिकारको सुनिश्चितता गर्ने भने पनि बजेट छुट्याएको नदेखेको बताएका हुन्।

यसबारेमा सांसद लामिछानेले भने, ‘सरकारले विदेशमा रहेका नागरिकका लागि पनि अब भोटिङ राइट्स दिने। विदेशमा रहेका नेपाली नागरिकले पनि भोट हाल्न पाउने अधिकारको सुनिश्चितता गर्ने त भन्यो तर, बजेट कहाँ छुट्याउनु भयो अर्थमन्त्री ज्यु? त्यसका लागि लगत संकलन गर्न जानुपर्ला… निर्वाचन आयोग विदेशमा रहेका नेपालीहरूको बारेमा जानकारी लिन जानुपर्ला… त्यसका लागि कहाँ कतै मैले बजेट देखिँन कि? मलाई क्षमा गरिदिनुहोला।’

अर्थमन्त्रीले भन्नलाई भन्दिए पनि प्राथमिकतामा राख्न नचाहेको लामिछानेले बताए।