कोशीका मुख्यमन्त्रीद्वारा अधिवेशन आह्वान

नेपालीपत्र सोमबार, २०८० चैत्र २६ गते, १७:३७ मा प्रकाशित राजनीति

विराटनगर । कोशी प्रदेश सरकारका मुख्यमन्त्री केदार कार्कीले अधिवेशन आह्वानका लागि सिफारिस प्रदेश प्रमुख समक्ष गरेका छन् ।

कोशी प्रदेश, प्रदेशसभाको पाँचौं नियमित अधिवेशन २०८१ साल जेठ ११ गते गर्ने गरि मन्त्रीपरिषद्को निर्णय अनुसार मुख्यमन्त्री कार्कीले प्रदेश प्रमुख समक्ष सिफारिस गरेका हुन् ।

नेपालको संविधानको धारा १८३ को उपधारा (१) बमोजिम अधिवेशन आह्वान गरिएको हो । मुख्यमन्त्री कार्की सरकारमा रहेको नेकपा माओवादी केन्द्रका तीनजना मन्त्रीले राजीनामा बुझाएसँगै संसदीय दलले समर्थन फिर्ता सोमबार लिएको थियो । लगतै नेकपा एमालेले दिएको समर्थन समेत फिर्ता लिएपछि मुख्यमन्त्री कार्कीले ढेड महिनापछिका लागि अधिवेशन आह्वान गर्ने सिफारिस गरेका हुन् ।

संसदको नियमित अधिवेशन आह्वान भईसकेको अवस्थामा विशेष अधिवेशनको माग कमजोर हुन्छ ।

#कोशी प्रदेश

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।