सुदूरपश्चिमका मुख्यमन्त्री शाहले आज विश्वासको मत लिने

काठमाडौँ । सुदूरपश्चिम प्रदेशका मुख्यमन्त्री कमलबहादुर शाहले आज विश्वासको मत लिँदै छन् । फागुन २३ गते माओवादी केन्द्रले सरकारलाई दिएको समर्थन फिर्ता लिएपछि मुख्यमन्त्री शाहले आज विश्वासको मत लिन लागेका हुन् ।

विश्वासको मत लिनका लागि प्रयोजनका लागि आज दिउँसो ३ बजे प्रदेश सभा बैठक बोलाइएको छ । नागरिक उन्मुक्ती पार्टीभित्रको झगडा र विवाद तथा स्वतन्त्र सांसदको अडानले मुख्यमन्त्री शाहलाई बहुमत जुटाउन कठिन देखिएको छ ।

सुदूरपश्चिम प्रदेशसभामा सबैभन्दा ठुलो दल नेपाली काँग्रेसका १८ सांसद छन् । ५२ सदस्यीय प्रदेशसभामा बहुमतका लागि २७ सांसद चाहिन्छ । गठबन्धनसँग माओवादीका सभामुख बाहेक १०, एमालेका १० र एकीकृत समाजवादीका ४ सांसद छन् । तसर्थ ७ सांसद रहेको नागरिक उन्मुक्ति पार्टीको समर्थनले मात्रै बहुमत जुट्ने देखिन्छ ।