प्रधानमन्त्रीको प्रतिप्रश्नः सीमाको विषयमा केही गरिनस् भन्नेले आफू प्रधानमन्त्री हुँदा के चाहिँ गरे?

काठमाडौँ। प्रधानमन्त्री पुष्पकमल दाहाल प्रचण्डले पूर्वप्रधानमन्त्री केपी शर्मा ओलीप्रति कटाक्ष गरेका छन्। बुधबार राष्ट्रियसभा बैठकमा बोल्दै प्रधानमन्त्री प्रचण्डले भारत भ्रमणको बेला सीमाको विषयमा केही गरिनस् भन्नेले आफू प्रधानमन्त्री हुँदा के चाहिँ गरे भन्दै प्रतिप्रश्न गरेका हुन्।

कनिकुथी सकिनसकि विरोध गर्नुको औचित्य नभएको भन्दै सीमाको विषयमा राजनीति मात्र बढाएर समस्या हल नहुने प्रचण्डको भनाई छ।

‘हिजो त सरकारको नेतृत्व उहाँहरूको दलले पनि गरेकै थियो। थुप्रै प्रधानमन्त्री हुनुहुन्थ्यो उहाँहरुले के चाहिँ गर्नुभएको थियो? गर्नुभयो केही? भएको थियो र केही?’ प्रधानमन्त्री प्रचण्डले भने, ‘अहिले अलिकति भयो। उत्पादन भयो भन्ने मेरो दाबी हैन। तर नयाँ सुरुआत त भयो। नेपाल समृद्धि हुने ढोका खोलीयो।’

उनले राम्रो विश्वासको वातावरण बनाएर मात्र कालापानी लिपुलेकलगायत सीमा विवादको समस्या हल हुने बताए।