व्यंग्य गर्दै निधिले भनेः ओलीको भाषण सुन्दा एमालेकै सांसद निदाए

काठमाडौँ। सत्तारुढ दल नेपाली कांग्रेसका सांसद बिमलेन्द्र निधिले प्रमुख प्रतिपक्षी दलका नेता एमाले अध्यक्ष केपी शर्मा ओलीलाई व्यंग्य गरेका छन्। ओलीले संसद्मा लामो बोलेर समय खर्चिएको भन्दै निधिले व्यंग्य गरेका हुन्।

प्रतिनिधिसभामा बजेटमाथिको छलफलका क्रममा मंगलबार ओलीले करिब २ घण्टा बोलेका थिए। विषयवस्तु बुझिने गरी नभएर असान्दर्भिक विषयमा नै बोलेर ओलीले संसद्को समय खर्चिएको निधिको भनाइ थियो।

ओलीको भाषणका क्रममा एमालेकै सांसदहरु निदाएको निधिले टिप्पणी गर्दै निधिले भने, ‘धेरैबेर पर्खेँ मैले पनि। प्रतिपक्षीको बेन्चतिर हेर्न थालेँ, जति समय बित्दै गयो, उहाँहरु निदाउन थाल्नुभयो। ताली लगाउन पनि बिर्सनुभएको थियो।’