एमाले धादिङको अधिवेशनमा लफडा, एक जनाको हात भाँचियो

नेपालीपत्र आईतबार, २०८० माघ २१ गते, ११:३४ मा प्रकाशित राजनीति

धादिङवेशी । नेकपा एमाले जिल्ला कमिटी धादिङको नवौँ जिल्ला अधिवेशनमा कार्यकर्ताहरुबीच कुटाकुट हुँदा एक जनाको हात भाँचिएको छ । धक्कामुक्काबाट पार्टीका कार्यकर्ता सन्तोष खनालको हात भाँचिएको हो ।

शनिबार साँझ बन्द सत्रमा दस्तावेज प्रस्तुत गर्दा हुलहुज्जत र धक्कामुक्का भएको र सन्तोष खनालको हात भाँच्चिएको ढुंगेलले बताएका हुन् । जिल्ला अध्यक्ष भूमि त्रिपाठीले जबरजस्ती प्रस्ताव पेस गर्दै एकलौटी निर्णय भएको घोषणा गर्न खोजेपछि बैठकमा असहज परिस्थिति बनेको थियो ।

त्यसपछि जिल्ला कमिटीका सदस्य र नेताहरुमाथि हुलहुज्जत र धक्कामुक्का भएको हो ।

सो जिल्ला अधिवेशन माघ १९ महासचिव शंकर पोखरलले उद्घाटन गरे थिए । तर, उद्घाटन पछि कुटाकुट भएपछि स्थिति असामान्य बनेकोले जिल्ला अधिवेशन स्थगित भएको बताएर सूचना टाँस गर्न लगाए पनि जिल्ला अध्यक्ष भूमि त्रिपाठीले विज्ञप्ती निकालेर अधिवेशन स्थगित नभएको जनाएका छन् ।

#नेकपा (एमाले)

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।