काठमाडौँ । पूर्वउपप्रधानमन्त्री तथा नेपाली काँग्रेसका नेता विमलेन्द्र निधी र भारतको बिहार मुजफरपुरका लोकसभा सदस्य अजय निषादबीच शिष्टाचार भेटवार्ता भएको छ । भारतको मुज्जफरपुरमा दुई नेताबीच शिष्टाचार भेट भएको हो ।
गत आइतवार धनुषाको नगराईन र मुखियापट्टी मुसहरनिया पालिकाका विभिन्न सीमावर्ती वडाहरुमा निर्माण कार्य अवरुद्ध भएका पुलहरुको स्थलगत निरीक्षण अवलोकन गर्नुभएका निधी सोही विषयमा छलफल गर्न मंगलवार निषाद निवास मुज्जफरपुर पुगेका थिए ।
सो क्रममा निधीले आफूले पुलहरुको स्थलगत निरीक्षण गर्दा भारतीय सुरक्षाकर्मीहरुले संरचना बन्न नदिनुको कारण माथिको आदेश भएको बताएको पनि निषादलाई जानकारी गराए । पुल बन्दा दुवै देशका नागरिकहरुलाई सहज हुने बताए ।
नो म्यान्स ल्यान्डमा पुल नबने दुई देशका जनतालाई कसरी जोड्ने रु र आवातजावत कसरी हुने रु भन्ने प्रश्न गर्दै निधीले आफूहरु नेपालको मात्र नभइ सीमावर्ती भारत तर्फको जनताको भावना पनि सुनाउन पुगेको बताए ।
भेटमा भारतीय जनता पार्टीका नेता समेत रहनुभएका निषादले आफनो पार्टीको नेतृत्वमा केन्द्रिय सरकार समेत रहेको बताउँदै गृहमन्त्री अमित साहसँग कुरा गरेर समस्या समाधान गर्ने बताए । निषाद निवासमा राम मन्दिर समुद्घाटनको बधाई पत्र र प्रसाद प्रदान गरेका थिए ।
नेपालको जटही र भारतको पिपरौन जोड्ने मुख्य जमुनी नदी राजघाटको पुललाई ६ लेन सडक स्तरको पुलका रुपमा स्तरोन्तीका लागि भारतीय पक्षबाट भइरहेको अवरोध र नगराईन नगरपालिकाको वडा नं. ६ लगमालाई भारतको लहरनियासँग जोड्ने झुलुङ्गे पुलको समेत निधी नेतृत्वको टिमले अवलोकन गरेको थियो । उक्त पुलहरु भारतीय अवरोधका कारण निर्माण अवरुद्ध भएका छन् ।
