जनताका समस्या सुन्ने पार्टी एमाले मात्रै होः केपी ओली

काठमाडौँ। नेकपा एमालेका अध्यक्ष केपी शर्मा ओलीले जनताका समस्या सुन्ने पार्टी एमाले मात्रै भएको बताएका छन्।

पार्टीको झुलाघाट–चिवाभञ्ज्याङ समृद्धिका लागि संकल्प यात्रा अन्तर्गत मंगलबार सिन्धुलीको खुर्कोटमा आयोजित सभालाई सम्बोधन गर्दै अध्यक्ष ओलीले जनताले भोगिरहेका समस्या सुन्ने पार्टी एमाले मात्रै रहेको बताए। जनताको समस्याको समाधान गर्ने पार्टी पनि एमाले रहेकोले समृद्ध नेपाल सुखी नेपालीको संकल्प लिएर हिँडिरहेको एमाले द‍ृढ संकल्पसाथ समृद्धिका लागि प्रतिबद्ध रहेको अध्यक्ष ओलीले बताए।

सडक निर्माण देखि अन्य पूर्वाधार निर्माणमा एमाले नेतृत्वको सरकारले असाधारण काम गरेको उनले प्रष्ट पारे।

सुनकोशी–मरिण डाइभरर्सनका कारण देखिएका समस्यालाई समाधान गर्दै आयोजनालाई अघि बढाउनुपर्ने पनि अध्यक्ष ओलीले बताए।