एमालेको संकल्प यात्रामा अवरोध गर्न खोजेको भन्दै खोटाङमा ३ जना पक्राउ

काठमाडौं । प्रहरीले नेकपा (एमाले)को मध्यपहाडी क्षेत्र केन्द्रित संकल्प यात्रालाई अवरोध गर्न खोजेको आरोपमा खोटाङबाट ३ जनालाई पक्राउ गरेको छ।

प्रदेश १ पुनः नामकरण संयुक्त संघर्ष समितिमा आबद्ध रहेका भनिएका ३ जनालाई प्रहरीले खोटाङको हलेसीबाट पक्राउ गरेको हो । पक्राउ परेकाहरुको नाम भने सार्वजनिक गरिएको छैन ।

मध्यपहाडी पुष्पलाल लोकमार्गको पश्चिमी सीमावर्ती विन्दु बैतडीको झुलाघाटबाट सुरु भएको एमालेको संकल्प यात्रा मंगलबारबाट कोशी प्रदेश प्रवेश गर्दैछ ।