काठमाडौँ। प्रधानमन्त्रीको सरकारी निवास बालुवाटारमा गठबन्धन दलका शीर्ष नेताहरूबीच छलफल भएको छ।
सोमबार भएको छलफल राष्ट्रियसभा निर्वाचनमा उम्मेदवार तय गर्ने विषयमा केन्द्रीत रहेको बताइएको छ। माघ ११ गते हुने १९ सदस्य राष्ट्रियसभा निर्वाचनका लागि दलीय भागबण्डानजिक पुगे पनि कसले कति पाउनेमा निष्कर्षमा पुगेको छैन।
साथै बैठकमा एनसेल प्रकरण, राष्ट्रिय सभामा भागबण्डा, विमानस्थल सुन तस्करी प्रकरण, सत्य निरुपण तथा बेपत्ता छानविन विधेयक लगायत विषयमा छलफल भएको छ।
बैठकमा प्रधानमन्त्री प्रचण्ड, माओवादीका महासचिव देव गुरुङ, कांग्रेसका सभापति शेरबहादुर देउवा, एकीकृत समाजवादीका अध्यक्ष माधव नेपाललगायतका शीर्ष नेताहरू सहभागी छन्।
