काठमाडौँ । प्रधानमन्त्री पुष्पकमल दाहाल ‘प्रचण्ड’ले सरकार कति समय टिक्छ भन्ने कुराभन्दा पनि सरकारमा रहेर जनताका लागि के राम्रो काम गर्न सकियो भन्ने कुरा आफ्नो पहिलो प्राथमिकता रहेको बताएका छन्
शनिबार कीर्तिपुरका जनतासँग साक्षात्कार कार्यक्रमलाई सम्बोधन गर्दै उनले उक्त धारणा व्यक्त गरेका हुन् ।
सरकार कति समय टिक्छ भन्ने कुराभन्दा पनि सरकारमा रहेर जनताका लागि के राम्रो काम गर्न सकियो भन्ने कुरा आफ्नो पहिलो प्राथमिकता रहेको उनको भनाइ छ ।
प्रधानमन्त्री प्रचण्डले भने, “सरकार कति समय टिक्छ भन्ने सोचाई मेरो छैन, सरकारमा रहँदा जनताको पक्षमा के राम्रो काम गर्न सकियो भन्ने कुरालाई प्राथमिकतामा राखेको छु । ”
उनले भने, “सरकार संविधान, लोकतन्त्रको रक्षा गर्दै समाजवाद उन्मुख दिशामा अघि बढिरहेको छ । यसको विरुद्ध भइहरेको देश–विदेशी चलखेललाई परास्त गर्दै समाजलाई उन्मुख बनाउने अभिभारा सरकारले लिएको छ । यसलाई सफल पार्छौँ ।”
पछिल्लो समय भएका विदेश भ्रमणका क्रममा नेपालको हितमा थुप्रै सम्झौताहरू भएका उनको भनाइ छ । सरकार नेपाली जनताको आर्थिक विकासको पक्षमा समेत रहेको प्रधानमन्त्री प्रचण्डको भनाइ थियो ।
