कांग्रेसले सांसदको १५ दिनको पारिश्रमिक भूकम्पपीडितलाई दिने

काठमाडौँ। नेपाली कांग्रेसका सांसदहरुले १५ दिनको पारिश्रमिक भूकम्पपीडितहरूलाई दिने भएका छन्। कांग्रेसका प्रतिनिधि सभा र राष्ट्रिय सभा सांसदहरूको १५ दिनको पारिश्रमिक भूकम्पपीडितहरूलाई दिने भएको हो।

सभापतिसमेत रहेका संसदीय दल नेता शेरबहादुर देउवाको निवास धुम्बाराहीमा आइतबार बसेको संसदीय दल बैठकले संघीय सांसदहरूको आधा महिनाको पारिश्रमिक भूकम्पपीडितलाई दिने निर्णय गरेको हो।

प्रतिनिधि सभामा कांग्रेसका ८८ जना र राष्ट्रिय सभामा १० जना सांसद छन्।

कांग्रेसले यसअघि ५० लाख रुपैयाँ सरकारी कोषमा सहयोग गर्ने निर्णय गरिसकेको छ।