माओवादीले काठमाडौँमा प्रदर्शन गर्न लागेको होइनः प्रचण्ड

काठमाडौँ। नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीले काठमाडौँमा प्रदर्शन गर्ने तयारी नगरेको प्रष्ट पारेका छन्।

प्रधानमन्त्रीसमेत रहेका अध्यक्ष प्रचण्डले नेकपा एमालेले बुधबार च्यासलमा गरेको चियापान समारोहमा सहभागी भएका दाहालले पत्रकारहरूसँग कुराकानी गर्दै काठमाडौँमा माओवादीले प्रदर्शन गर्न खोजेको भन्दै भइरहेका प्रचारमा सत्यता नभएको प्रष्ट पारेका हुन्।

प्रदर्शनबारे मिडियामा गलत ढङ्गले प्रचार भएको प्रचण्डको भनाई छ। ‘देशैभरि वडा स्तरमा जनपरिचालनको कार्यक्रम चलिरहेको छ। त्यही जनपरिचालनलाई गाउँपालिका र काठमाडौँमा तीन वटा प्रदेशले एकै ठाउँमा जनपरिचालन गर्न खोजेको हो। त्यो कुनै प्रदर्शन र कसैका विरुद्ध होइन,’ उनले भने।