चितवन। प्रधानमन्त्री पुष्पकमल दाहाल प्रचण्डले गठबन्धनले गरेका काम देखेर केहीलाई छटपटाहट भएर सरकार भत्काउन लागेको आरोप लगाएका छन्। आइतबार पश्चिम चितवनको शारदानगरमा तीनवटा खानेपानी आयोजनाको एकैसाथ उद्घाटन गर्दै प्रधानमन्त्री प्रचण्डले यस्तो बताएका हुन्।
उनले गठबन्धन भत्काउने र सरकार गिराउने प्रयास असफल भएको दावी गरे। कोशी प्रदेशमा पछिल्लो समयमा विकसित राजनीतिलाई संकेत गर्दै प्रधानमन्त्री प्रचण्डले त्यहाँ गठबन्धन विफल पार्न योजनाअनुसार षडयन्त्र भएको आरोप लगाए।
‘देशभित्र र देश बाहिर रहेका नेपालीको हितमा काम गर्दा एकथरी मानिसहरू छटपटिएका छन्। उनीहरूलाई के गरी यो गठबन्धनलाई कमजोर पार्ने र उल्ट्याउन सकिन्छ कि भनेर लागिपरेका छन्। थरी मानिसहरू छटपटिएका छन्। उनीहरूलाई के गरी यो गठबन्धनलाई कमजोर पार्ने र उल्ट्याउन सकिन्छ कि भनेर लागिपरेका छन्। कहिल्यै सत्तामा प्रवेश गर्न पाइँदैन कि भनी एकथरी निकै विछिप्त भएका छन्,ुप्रधानमन्त्री दाहालले भने,’ उनले भने।
त्यस्तै, उनले कोशी प्रदेशमा खेलेर गठबन्धसँग खेल्न खोजे पनि आफूहरुले निस्तेज पारेको दाबी गरे। आफू, कांग्रेस सभापति शेरबहादुर देउवा र नेपाली कांग्रेसका नेता शेखर कोइरालाबीच सहमति गरेर योजनालाई विफल बनाएको उनको भनाई छ।
‘कोशी प्रदेशमा जे राजनीतिक परिदृश्य देख्नु भएको छ। यही गठबन्धनले राम्रो गर्न खोजेकोलाई सहन नसकेर एकथरी मानिसले यहाँभित्र खेल्न सकिन्छ कि, विभाजन ल्याउन सकिन्छ कि भनेर योजनाअुसार कामहरू गरिरहेका छन्,’ उनले भने, ‘तर, हिजो सभापति शेरबहादुर देउवाले प्रधानमन्त्रीको म आफै र नेपाली कांग्रेसका नेता शेखर कोइरालाको बीच एउटा सहमति गरेपछि त्यो षडयन्त्रलाई निस्तेज पारिएको छ।’
उनले अब गठबन्धन पूर्णकार्यकालसम्म जाने विश्वास व्यक्त गरे।
