कैलाली। नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डलाई गेरुवस्त्र लगाएरमात्रै पाप नकट्ने भन्दै व्यङ्ग्य गरेका छन् आइतबार पार्टीको सुदूरपश्चिम प्रदेश अधिवेशन उदघाटन गर्दै अध्यक्ष ओलीले यस्तो व्यङ्ग्य गरेका हुन्।
कार्यक्रमलाई सम्बोधन गर्दै ओलीले अहिले मुलुकका सरकार छ भन्ने अनुभूति जनताले पाउन नसकेको बताए।
‘अहिले देशमा सरकार छ कि छैन? के दुई धाम गरेरमात्रै हुन्छ?’, ओलीले भने, ‘जनतालाई माया नगरेपछि, देशलाई माया नगरेपछि चन्दन लगाएर गेरुवस्त्र लगाए पनि पाप कट्दैन, मानसरोवरमा डुबुल्की लगाए पनि पाप कट्दैन।’
ओलीले सरकार जनताप्रति उत्तरदायी नभएको टिप्पणी गर्दै प्रधानमन्त्री प्रचण्ड देश र जनतालाई आशा जगाउने बेलामा भ्रमणमा केन्द्रित भएको आरोप लगाए।
वर्तमान सरकारबाट देशको रक्षा हुनसक्ने अवस्था नरहेको ओलीको भनाइ छ।
