काठमाडौँ। नेकपा एमालेका अध्यक्ष केपी शर्मा ओलीले पार्टीको प्रदेश अधिवेशनलाई लिएर विरोधीहरुले एकोहोरो टिप्पणी गरिरहेको बताएका छन्। शुक्रबार पार्टी उपत्यका विशेष प्रदेश कमिटीको अधिवेशन उद्घाटन गर्दै उनले यस्तो बताएका हुन्।
‘हाम्रा विपक्षीहरुले अधिवेशनका सन्दर्भमा विरोधीले एकोहोरो खालको टिकाटिप्पणी गर्न पाएका छन्। यो अधिवेशनले अर्को टिकाटिप्पणी गर्ने मौका दिओस्,’ ओलीले भने, ‘अहिलेसम्म लडेभिडे भन्ने सन्देश प्रवाहित गरेको छ। यस अधिवेशनले सर्वसम्मति गरेर डेमोक्रेसी नै भएन भन्ने मौका पनि दिऔँ।’
उनले चुनावमा सबैले नजित्ने भएकाले पार्टीमा सहमति गर्दा नै उपयुक्त हुने बताए। सहमतिमा जाँदा कसैको मन नदुख्ने उनको भनाई छ।
ओलीले नेतृत्वले कार्यकर्ताको कामको मूल्यांकन गरिरहेको हुने बताए। नेतृत्वको मूल्यांकनमा भर नपर्दा नतिजा जस्तो सकै आउन सक्ने उनको भनाइ छ।
उनले अस्वस्थ प्रतिस्पर्धा नगर्न आग्रह गरेका छन्।
