काठमाडौँ। राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनले पूर्वराजा ज्ञानेन्द्रको कुन गतिविधिले लोकतन्त्र अवरुद्ध पारेको छ भनी प्रश्न गरेका छन्। राप्रपा संसदीय दलका नेता समेत रहेका लिङदेनले शुक्रवारको प्रतिनिधिसभा बैठकको शून्य समयमा बोल्दै त्यस्तो प्रश्न गरेका हुन्।
उनले जघन्य अपराधकर्ममा लागेकहरुलाई छोड्दा लोकतनत्र अवरुद्द नहुने तर राजा कहीँ कतै निस्कदैमा लोकतनत्र अवरुद्ध भयो भन्नु कति न्यायसंगत रहेको भनी प्रश्न पनि गरे।
‘राजावादीहरु धार्मिक सदभाव बिथोल्न लागेका छन्, त्यसलाई निगरानी गर्नुपर्यो, राजा ज्ञानेन्द्र पनि लोकतन्त्र विरोधी गतिविधिमा संलग्न भएका छन्, त्यसमा ध्यान दिनुपर्यो भनेर अनुरोध आईरहेको छ। कुन त्यस्तो गतिविधि रहेछ राजावादीहरूको जसले धार्मिक सहिष्णुता बिथोल्न लागेको छ,’ उनले भने ‘राजा ज्ञानेन्द्रको कुन त्यस्तो गतिविधि रहेछ जसले लोकतन्त्रलाई अवरुद्ध गरिराखेको छ र लोकतन्त्र विरोधी भएको छ त्यसको म जानकारी लिन चाहन्छु। त्यसको बारेमा प्रस्ट पार्न वक्ता साथीहरूलाई आग्रह गर्न चाहन्छु।’
उनले जघन्य हत्याका आरोपीहरूलाई जेलबाट छोड्ने, बालुवाटारको व्यक्तिको जग्गा व्यक्तिको नाममा बनाउने, नेपाली नागरिकलाई भुटानी शरणार्थी बनाउने, क्विन्टलका क्विन्टल सुन तस्करी गरेर ल्याउने कामचाहिँ लोकतान्त्रिक हो? भन्दै प्रश्न समेत गरे।
