शेखर पक्षको बैठक बस्दै

काठमाडौं । नेपाली कांग्रेसका संस्थापनइतरका नेता डा. शेखर कोइराला पक्षका नेताहरूको बैठक आज मंगलबार बस्दैछ ।

बैठक शेखरको सम्पर्क कार्यालय बालुवाटारमा १ः३० बस्ने गरी बोलाइएको छ । बैठकमा शेखर–गगन थापा पक्षका केन्द्रीय सदस्यहरु पनि सहभागी हुने बताइएको छ ।

साथै, महामन्त्री विश्वप्रकाश शर्मा र नेता प्रदीप पौडेललाई समेत बैठकमा बोलाइएको छ । विश्व–प्रदीपलाई समूहमा भित्र्याउने उद्देश्यले बैठक डाकिएको बताइन्छ ।

तर, प्रदीप पौडेल भने आजै चीन जाने भएकोले बैठकमा उपस्थित नहुने भएका छन् । १४औं महाधिवेशनपछि पहिलो पटक शेखरले विश्व–प्रदीपसहितको बैठक बसेर छलफल गर्न लागेका हुन् ।