दलहरुबीच सहमति जुटेपछि बागमती प्रदेशसभा बैठक सुरु

नेपालीपत्र आईतबार, २०८० भदौ २४ गते, १५:३९ मा प्रकाशित राजनीति

हेटौँडा। बागमती प्रदेशको प्रदेशसभा बैठक सुरु भएको छ। दलहरुबीच सहमति जुटेपछि प्रदेशसभा बैठक सुरु भएको हो।

सभामुखको पहलमा बसेको सर्वदलीय बैठकले दिउँसो पौने १२ः४५ बस्ने सहमति जुटाएसँगै बैठक सुरु भएको हो। सरकारले प्रतिपक्षी दलहरूसँग गरेका सहमति कार्यान्वयन नगरेको भन्दै प्रमुख प्रतिपक्षी दल नेकपा एमाले र राप्रपाले बैठक चल्न नदिने अडान राख्दै आएका थिए।

गत असार २१ गते आर्थिक वर्ष २०८०÷०८१ को बजेट पारित भएपछि प्रदेशसभाको बैठक बस्न सकेको थिएन। २ महिनापछि गत भदौ १८ गते बोलाइएको बैठक पटक पटक स्थगित भएपछि आज सभामुखले सर्वदलीय बैठक बोलाएका थिए।

आजको बैठकमा ४ वटा विधेयक पेश हुनेछन्। शून्य समयको कार्यक्रम समेत रहने बताइएको छ।

#बागमती प्रदेश

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।