प्रधानमन्त्रीले बोलाएको सर्वदलीय बैठकमा न्यूयोर्क र चीन भ्रमणबारे छलफल

काठमाडौँ । संसदमा प्रतिनिधित्व गर्ने दलहरुको संयुक्त बैठक जारी छ ।

प्रधानमन्त्री तथा मन्त्रिपरिषदको कार्यालयमा जारी बैठक प्रधानमन्त्री पुष्पकमल दाहाल प्रचण्डको आसन्न चीन भ्रमणमा केन्द्रित रहेको बताइएको छ ।

संयुक्त राष्ट्रसंघको महासभामा भाग लिन न्यूयोर्क जाने र उतैबाट चीन भ्रमणमा जाने प्रधानमन्त्री प्रचण्डको तयारी छ ।

सोही भ्रमणको तयारी तथा एजेन्डाबारे जानकारी गराउन र सुझाव लिन प्रधानमन्त्री प्रचण्डले सर्वदलीय बैठक बोलाएको उनको सचिवालयले जनाएको छ ।

बैठकमा पूर्वप्रधानमन्त्रीहरु, संसदमा प्रतिनिधित्व गर्ने दलका नेताहरु र पूर्वपरराष्ट्रमन्त्रीहरुसमेत सहभागी छन् ।