देशको परिवर्तन माओवादी केन्द्रको नेतृत्वमा मात्रै सम्भव भएको छः गृहमन्त्री श्रेष्ठ

काठमाडौँ। उपप्रधान तथा गृहमन्त्री नारायणकाजी श्रेष्ठले देशको परिवर्तन माओवादी केन्द्रको नेतृत्वमा मात्रै सम्भव भएको बताएका छन्।

ललितपुर महानगरपालिका २८ र २९ पार्टी वडा समितिले आयोजना गरेका भेलालाई सम्बोधन गर्दै माओवादी केन्द्रका नेता समेत रहेका श्रेष्ठले यस्तो बताएका हुन्। अरु पार्टीभन्दा देशलाई सफल बनाउन माओवादीले भूमिका खेलेको उनको दाबी छ।

उनले भने, ‘हाम्रो पार्टी अरुभन्दा राम्रो छ। परिवर्तन ल्याउन पनि हाम्रो पार्टीले लडेको हो। प्रतिगमनलाई असफल पार्न पनि हाम्रो पार्टीले नै संघर्ष गरेको हो। देशमा जति सुधारको भूमिका खेल्ने पनि हाम्रो पार्टी नै हो। अहिले पनि हाम्रो पार्टीको सरकार छ र हामी प्रयत्न गरिरहेका छौं।’