कांग्रेसले विपि साहित्य महोत्सव गर्ने

काठमाडौँ। नेपाली कांग्रेसले पार्टीका संस्थापन नेता विश्वेश्वरप्रसाद कोइरालाको सम्झनामा विपि साहित्य महोत्सव गर्ने भएको छ।

मंगलबार बिहान पार्टी सभापति शेरबहादुर देउवा निवास धुम्बाराहीमा बसेको पदाधिकारी बैठकले भदौ २४ गतेदेखि २६ गतेसम्म काठमाडौंमा बिपी साहित्य महोत्सव आयोजना गर्ने निर्णय गरेको हो।

महोत्सव विश्वेश्वर प्रसाद कोइरालाको जन्मदिन २४ भदौमा सुरु भएर २६ भदौमा सकिनेछ।

कोइराला विक्रम सम्वत १९७१ भदौ २४ गते जन्मिएका थिए।