उपसभामुखले संसदीय परम्परा तोडेर द्वन्द्व निम्त्याउन खोज्नुभयोः मुख्यमन्त्री थापा

काठमाडौँ। कोशी प्रदेशका मुख्यमन्त्री उद्वव थापाले उपसभामुख सिर्जना दनुवारले संसदीय परम्परा तोडेर द्वन्द्व निम्त्याउन खोजेको आरोप लगाएका छन्। विश्वासको मत लिने दिन बिदामा बसेर उपसभामुख दनुवारले संसदीय परम्परा तोडेको आरोप लगाएका हुन्।

उपसभामुख दनुवारले आफैंले बोलाएको बैठकमा अनुपस्थित भएर संसदीय व्यवस्थालाई धरापमा पार्ने र द्वन्द्व सिर्जना गर्ने अवस्था निर्माण गरेको मुख्यमन्त्री थापाको आरोप छ। उनले अहिलेको विषम परिस्थितिबाट शान्तिपूर्ण तरिकाले सहज निकासका लागि परामर्श गरिरहेको बताए।

सोमबार विश्वासको मत लिने सम्भावना नरहेकाले १३ गतेभित्र कुनै दिन फेरि विश्वासको मत लिने बताए।