संसदको गतिरोध अन्त्य गर्न बालुवाटारमा प्रमुख दलका शीर्ष नेताहरूबीच छलफल सुरु

काठमाडौँ। प्रतिनिधिसभाको जारी गतिरोध अन्त्य गर्नका लागि प्रमुख दलका शीर्ष नेताहरूसँग बालुवाटारमा छलफल सुरु भएको छ।

बैठकमा प्रधानमन्त्री प्रचण्ड, सभामुख देवराज घिमिरे, नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओलीसहित तीन दलका प्रमुख सचेतकहरू उपस्थित छन्।

हङकङबाट भित्रिएको एक क्विन्टल सुन प्रकरणमा उच्चस्तरीय छानबिन समिति बनाउन माग गर्दै एमालेले सदन अवरुद्ध गर्दै आएको छ। सोमबार पनि दिउँसो १ बजे निर्धारित संसद् सहमति नभएपछि बैठक चल्न सकेन।

प्रतिनिधिसभाको बैठक आजै दिउँसो ३ बजेका लागि बोलाइएको छ।