जनमतको केन्द्रीय समिति बैठकः सरकारमा सहभागिताबारे छलफल हुने

काठमाडौँ। जनमत पार्टीको केन्द्रीय समिति बैठक सुरु भएको छ। बिहीबार काठमाडौँमा केन्द्रीय समिति, राजनीतिक समिति र केन्द्रीय कार्यकारिणी समितिको बैठक एकैपटक बसेको हो।

बैठकमा सरकारमा सहभागी हुने कुरा मुख्य एजेण्डा रहेको छ। बैठकअघि जनमतका अध्यक्ष डा. सीके राउतले सरकारमा सहभागी हुने एजेण्डासहित बैठक बस्न लागेको बताए। उनले संगठन सुदृढीकरण अभियानलाई प्रभावकारी बनाउने विषय रहेको पनि बताए।

उनले भने, ‘केन्द्रीय समिति, राजनीतिक समिति र केन्द्रीय कार्यकारिणी समितिको बैठक बस्यो। हाम्रो मूल एजेण्डा भनेको संगठन सुदृढीकरण,अभियान चल्दैछ। त्यसलाई कसरी प्रभावकारी बनाउने विषयमा केन्द्रित छ। विभिन्न समितिमा मनोनित गर्नुपर्ने नामहरु मनोनित गर्न र विभिन्न विभाग गठन गर्न बैठक बसेको हो। सरकारमा सहभागिताको विषयमा पनि छलफल हुनेछ।’