काठमाडौँ। नेकपा माओवादी केन्द्रको केन्द्रीय समिति बैठक सुरू भएको छ। प्रज्ञा भवन कमलादीमा बैठक शुरु भएको हो।
एक वर्षपछि बोलाइएको बैठक ५ दिनसम्म चल्ने बताइएको छ। बैठकमा केन्द्रीय सदस्यलाई बोल्न पाँच मिनेट छुट्याइएको छ।
बैठकमा ३८५ जना केन्द्रीय सदस्य, १९८ वैकल्पिक केन्द्रीय सदस्य, प्रदेश समितिका १०० जना पदाधिकारी तथा निर्वाचन आयोग, अनुशासन आयोग र लेखा आयोगका ७५ जना गरी ७ सय ५८ जना सहभागी हुँदैछन्।
बैठकमा सरकारको काम कारबाही, सत्तागठबन्धनको रणनीति, नेताहरूको जिम्मेवारी बाँडफाँट, संगठन विस्तारका लागि तीन महिने अभियान घोषणा, विशेष महाधिवेशन र विधान महाधिवेशन तथा समसामयिक विषयमा छलफल गर्ने एजेण्डा तय भएको छ।
