प्रतिनिधिसभा बैठक २० मिनेटका लागि स्थगित

काठमाडौँ। प्रमुख प्रतिपक्ष दल नेकपा एमालेले अवरोध गरेपछि प्रतिनिधिसभा बैठक स्थगित भएको छ। सभामुख देवराज घिमिरेले २० मिनेटका लागि बैठक स्थगित गरेका हुन्।

जेठ १० गतेको संसद्मा बैठकमा नेकपा माओवादी केन्द्रका सांसद लेखनाथ न्यौपानेले पशुपतिनाथको मन्दिरमा सुनको जलप लगाउन पर्नेमा पित्तलको लगाएर भ्रष्टाचार गरेको आरोप लगाएको भन्दै अभिव्यक्ति दिएका थिए। सोही अभिव्यक्तिप्रति एमालेले संसद्मा विरोध गरेको थियो। त्यसपछि एमालेले बेल घेरेर नाराबाजी गरेको थियो।

सांसद लेखनाथ न्यौपानले माफि नमागेसम्म संसद् चल्न नदिने भन्दै एमालेले संसद् बैठकमा विरोध जनाएको हो।