कांग्रेसको केन्द्रीय समिति बैठकमा आज सभापति र महामन्त्रीले जवाफ दिने

काठमाडौँ । नेपाली कांग्रेसको केन्द्रीय समिति बैठक आज सोमबार पनि बस्दैछ ।

दिउँसो ३ बजेदेखि सुरू हुने बैठकमा आज सभापति शेरबहादुर देउवा र महामन्त्रीद्वय गगन थापा र विश्वप्रकाश शर्माले केन्द्रीय सदस्यहरूले उठाएका विषयमा जवाफ दिने कार्यतालिका छ ।

संसद्‍मा कांग्रेसको भूमिका, सरकारको गतिविधि र नागरिक सरोकारका विषय पनि छलफल गर्ने मुख्य एजेन्डा छन् ।

आइतबारसम्म केन्द्रीय सदस्य र सहमहामन्त्रीहरूले बोलिसकेका छन् । केन्द्रीय सदस्यहरूले उठान गरेको विषय र सुझावको आज सभापति र महामन्त्रीले जवाफ दिएपछि बैठकमा बोल्ने क्रम सकिने कांग्रेसले जनाएको छ ।