नक्कली शरणार्थी प्रकरणसँग जोडिएका सबैमाथि अनुसन्धान गर्नुपर्छः एकीकृत समाजवादी

काठमाडौँ। नेकपा एकीकृत समाजवादीले नक्कली भुटानी शरणार्थी प्रकरणमा नाम आएका सबैमाथि अनुसन्धान गर्नुपर्नेमा जोड दिएको छ।

पार्टी कार्यालय तीनकुनेमा बिहीबार बसेको एकीकृत समाजवादीको केन्द्रीय सचिवालयको अनौपचारिक बैठकले शरणार्थी प्रकरणमा छलफल गर्दै अब हुन सक्ने सम्भावनाका आधारमा नाम आएका सबैमाथि अनुसन्धान गर्नुपर्नेमा जोड दिएको हो।

त्यस्तै, बैठकमा सरकारको नीति तथा कार्यक्रम, आगामी बजेट र प्रधानमन्त्रीको भारत भ्रमणका बारेमा पनि छलफल भएको प्रचार विभाग प्रमुख जगन्नाथ खतिवडाले जानकारी दिए।