विभिन्न वस्तुमा नगद अनुदान दिन ९० करोड रुपैयाँ विनियोजन

काठमाडौँ। सरकारले आगामी वर्ष विभिन्न वस्तुमा नगद अनुदान दिन ९० करोड रुपैयाँ विनियोजन गरेको छ।

अर्थमन्त्री प्रकाश शरण महतले सोमबार आर्थिक वर्ष २०८०/०८१ को बजेट प्रस्तुत गर्दै सो कुराको जानकारी दिएका हुन्।

निर्यातमा दिइने नगद अनुदान तीन महिनामा भुक्तानी हुने व्यवस्था गरिएको मन्त्री महतले बताए।

बजेटमार्फत हाल नगद अनुदान दिँदै आएको वस्तुलाई निरन्तरता दिन यस्तो बजेट विनियोजन गरिएको बताएका हुन्।

सरकारले हाल ३६ प्रकारका वस्तुमा नगद अनुदान दिँदै आएको छ।