बेलायतमा फैलिँदो 'पार्क रन' संस्कृति
- जगन कार्की
- शुक्रबार, २२ आषाढ, २०७५
- 3 years ago
- नेपाल
- युके
लण्डन । बेलायतका अधिकांश पार्कहरूमा हरेक शनिबार बिहान ९ बजे स्थानीय बासिन्दाहरू भेला भएर ५ किलोमिटर दौडने चलन अब एउटा संस्कारको रुपमा हुर्कंदो छ । पार्क रनकै अर्को संस्करण ४ देखी १४ वर्ष सम्मका बालिबलिकाहरूका लागि पनि आइतबार २ किलोमिटर सम्मको दौड पनि सोही पार्कहरूमा हुने गर्दछन् ।
‘पार्क रन’ अर्थात् पार्कमा भेला भएर दौडने म्याराथन अरुलाई जित्ने खेल भन्दा आफ्नो प्रतिस्पर्धा आफुसँग नै हुने प्रवृत्तिको हुने गर्दछ । आफ्नो पुरानो रेकर्ड भन्दा राम्रो दौडिने र निरन्तर सुधार गर्दै जाने ।
‘पार्क रन’लाई व्यवस्थित गर्न यसको आफ्नै वेबसाइट रहेको छ र यसमा सहभागी बन्न चाहनेहरूले अनलाइन दर्ता गरेर सम्पूर्ण जानकारी सहित हरेक सहभागीहरुलाई एक बारकोड (पृथक आइडी)को व्यवस्था गरिएको हुन्छ ।
पार्क रनको वेब साईट www.parkrun.org.uk रहेको छ जसबाट सम्पूर्ण जानकारी पाउन सकिन्छ । पार्क रनको मुख्यालयले आवश्यक सामग्रीहरू उपलब्ध गराउने गर्दछ भने यसमा सहभागी हुँदा कुनै पनि शुल्क तिर्नु पर्दैन ।
दौड सुरु भएपछि सबै सहभागीहरु दौडने साथै पार्क रनका सहभागीहरू मध्ये नै हरेक हप्ता पालो गर्दै स्वयंसेवी बनेर व्यवस्थापन गर्ने र ५ किलो मिटर दुरीका हरेक गौंडामा बसेर कसैलाई सहायता आवश्यक परे सहायता गर्ने र दौडिरहेकाहरुलाई प्रोत्साहन गर्ने गरिन्छ ।
दौडको अन्त्यमा सबैले आफ्नो रेकर्ड आफ्नो सम्पूर्ण जानकारी संचित पृथक आइडी कार्ड कम्प्युटरको बार कोडलाई स्क्यान गरेर दौडको अन्त्य गरिन्छ ।
अन्त्यमा स्वयंसेवकहरूले कति मिनेटमा दौड सम्पन्न गरे, त्यो उमेर समूहमा दौडने र आफ्नो स्थान तथा सम्पूर्ण जानकारी पार्करनको विश्वब्यापी वेबसाइटसँगै जानकारीहरू संकलन गरेर राख्ने र हरेक सहभागीहरूलाई इमेल मार्फत जानकारी प्रदान गरिन्छ ।
नियमित दौडिनेहरुलाई दौडको सुरुमा उनीहरुले दौडेको ५० औं पटक, १०० औँ पटक जस्ता विभिन्न माइलस्टोनहरुको घोषणा गरेर प्रेरणा र हौसला दिने गरिन्छ भने नयाँ दौडनेहरूलाई स्वागत गर्दै सामूहिक हौसला दिने प्रचलन रहेको छ । सामूहिक हौसला र सबैले गरेको देखेर आफुलाई पनि गर्न जाँगर चल्ने पार्क रनको मुख्य विशेषता रहेको अधिकांश सहभागीहरुको राय पाइन्छ ।
स्वास्थ्य, सामाजिक र सामूहिक सतकर्मका दृष्टिले अब्बल देखिएको पार्क रन संस्कारको सुरुवात बेलायतको बुसी पार्क रन भनेर पाउल सिन्टन हेविटले सन् २००४ मा सुरुवात गरेका हुन् । यसलाई सुरुमा बुसी पार्क टाइम ट्रायल भनिन्थ्यो जुन बिस्तारै फैलदैँ गयो । सन् २००७ मा बेलायतकै विम्बलडनमा दोश्रो पार्क रनको सुरुवात गरियो भने लन्डन बाहिर प्रथम पार्करन लिड्समा भएको थियो ।
यो युके टायम ट्रयललाइ पछि २००८मा आएर पार्क रनको नामले चिनियो । बेलायत भन्दा बाहिर सर्वप्रथम पार्क रन डेनमार्कमा २००९ मा सुरु भएको थियो भने हाल हरेक हप्ता अष्ट्रेलिया, क्यानाडा, डेनमार्क, आयरल्याण्ड, न्युजिल्याण्ड, पोल्याण्ड, रसिया, दक्षिण अफ्रिका, अमेरिका लगायत विश्वका २२ देशहरुमा हरेक हप्ता आयोजना हुने गर्दछ । पार्क रनमा दर्ता भएका करिब ५० लाख सहभागीहरू विश्वका करिब ७३० ओटा पार्कमा शनिबार बिहान उत्साहका साथ दौडिने गर्दछन् ।
मूख्य नारा नै ‘स्वास्थ्य र सुखी पृथ्वी’ रहेको यो नियमित दौड प्रतियोगितामा निरन्तर भाग लिने सहभागीहरूले तन्दुरुस्ती र स्फूर्ति प्राप्त हुने हुनाले आफुलाई स्वास्थ्य सम्बन्धि समस्या हतपत नरहने गरेको बताउने गर्दछन् ।
लन्डनमा हरेक हप्ता ५ किलोमिटर दौडने गरेका सहभागी मध्ये एक पाण्डव महतोले भने, ‘आफुले यो दौड सुरु गरेदेखि रुघा, खोकी जस्ता सामान्य समस्या कहिले झेल्नु नपरेको र शारीरिक रुपमा तन्दुरुस्त रहेको बताउँछन् ।’
पाण्डवले २००९ मा आमासयको क्यान्सरको प्रथम चरणलाइ किमो मर्फत जित मात्र हासिल गरेनन्, अहिले ५ किलोमिटर दौड ३० मिनेट भन्दा कम समयमा पुरा गरेर नियमित दौडिने गर्दछन् ।
मेची देखि महाकाली दौडसँगै २०२० सम्ममा नेपालमा पनि पार्क रन संस्कारलाइ स्थापित गर्न लागि परेका छन् महतो ।
नर्थोला पार्क रनको ४ वर्ष
नर्थोला पार्क रनले गत शनिबार आफ्नो ४ वर्षे स्थापना दिवस मनाएको छ । यस पार्कमा १०० भन्दा बढी नेपालीहरूले निरन्तर सहभागिता जनाउने गरेका छन् ।
यस पार्कमा निरन्तर स्वयंसेवा गरेर स्थापना गर्न लागि परेका केहि नेपालीहरूमध्ये प्रमुख भूमिकामा रहेका छन् सन्तोस राई ।अन्य्स सहयोगीहरूमा निलु देवान, बिष्णु राई, गरिमा राई लगायत नेपालीहरू छन् । स्वयं सेवा गर्ने हरेक रनरहरूलाई हौसला दिने र यसको महत्वको बारेमा बताउने जस्ता काम पनि गर्ने गर्दछन् ।
आफ्नो स्वास्थ्य मात्र हामी अरु पनि स्वास्थ्य रहेको हेर्न चाहन्छौं र बिशेष गरेर सबै नेपाली दिदीबहिनी दाजुभाईहरूलाई रोग नलागोस शरीर तन्दुरुस्त होस् भन्ने उद्देश्यले नै आफु पार्क रन लाई प्रमोट गर्न लागिपरेको निलु देवान बताउँछन् ।
वेस्ट लन्डनको नर्थोला पार्कमा उल्लेख्य रुपमा नेपालीहरूले आफनै ब्यबस्थापन र अग्रसरतामा पार्क रन गर्ने गरेका छन् । यसको मुख्य व्यवस्थापनमा धरानका सन्तोस राई अहोरात्र खटीरहेका हुन्छन् । धरान रनका संस्थापक पनि रहेका राईले विभिन्न म्याराथनहरूमा हरेक महिना जस्तो सहभागी भइरहेका हुन्छन । उनीमात्र नभएर उनका परिवारका सदस्यहरू २ छोरी र श्रीमती नियमति रूपमा पार्क रन दौडिन गरेका छन् ।
उनि भर्खर मात्र अमेरिकाको बोस्टन म्याराथनमा पनि भाग लिएर फर्केका हुन । विगत लामो समयदेखि पार्क रनमा सक्रिय रहेका नेपालीहरूमध्ये अर्को नाम हो निलु राई देवान । शरीरको तौल नियन्त्रण राख्न मात्र हैन उमेरसँगै बढ्ने विविध शारीरिक समस्याहरूको समाधान गर्न पार्क रनको ठूलो भूमिका रहेको बताउँछिन । पार्क रनमा सहभागी आफु सहभागी भएर कयौंलाई सहभागी हुन प्रोत्साहन गर्ने गरेकी राईको दैनिकी र संस्कार नै कुदेर आनन्द लिने भइसकेको बताउँछिन ।
सुगर र प्रेसरले सताउन लागेको डाक्टरहरूको सचेतनासँगै पार्क रनसँग जोडिन पुगेकी निलुको स–परिवार शनिबार पर्क रनमा हुन्छन् भने अन्य दिन पनि फुर्सदमा दौडिने र विभिन्न च्यारिटी दौडहरूमा सहभागी हुने बानी नै बसिसकेको छ ।
पार्क रनमा सहभागी हुन आउनेहरू सबै सकारात्मक उर्जाले भरिएका आफ्नो स्वास्थ्यको ख्याल राख्ने व्यक्तिहरू हुने हुनाले कुदेर सक्दा त्यसै सकारात्मक उर्जा प्राप्त हुने र आफु दिनभरको लागि फ्रेस महसुस गर्ने गरेको बताउँछिन अर्की नियमित सहभागी बिष्णु देवान ।
पार्क रनमा दर्ता भएपछि नियमित जानुपर्ने बाध्यता छैन, नगए जरिवाना हुने त्यस्तो केही हुन्न आफुलाई जहिले अनुकुल समय मिल्छ त्यस बखत जाने र दैनिक अथवा आफ्नो अनुकुल समयमा दौडिने संस्कारले स्वास्थ्य तन्दुरुस्ती राख्न सकिने बताउँछन् अर्का सहभागी राज ओझा ।
पार्क रन संस्कृति आजको व्यस्त दैनिकी, कोठा र अफिस भित्र सिमित भएर काम गर्नु पर्ने अवस्थाका मनिसहरूलाई स्वास्थ्य र तन्दुरुस्ती राख्ने एक उपयोगी माध्यम भएकोले आजको आधुनिक सूचना प्रविधिको विकासका बाबजुद स्वास्थ्य जीवन बाँच्ने एउटा गतिलो आधार र भाबी सन्ततिलाई पनि एउटा सकारात्मक सन्देश र सभ्यताको रुपमा हस्तान्तरण गर्न सकिने एउटा गतिलो माध्यम पार्क रनलाई मान्ने गर्छन् अर्का नियमति सहभागी कमल राई ।
तौल घटाएर आकर्षक शरीर बनाउने युवायुवातीहरूको पनि एक गतिलो माध्यम र फेसन नै बन्ने गरेको छ पार्क रन । पार्क रनबाट नै आफ्नो शरीर तन्दुरुस्त राख्न सफल भएको ठान्छिन् गरिमा राई ।
प्रविधिले बढाएको यान्त्रिक जीवनशैली र फास्ट फुड संस्कारले बढाएको अनावश्यक शारीरिक बनावटलाई उचित सावधानी तथा दीर्घकालिन रोगहरू जस्तै मुटु रोग, डाइबिटीज, प्रेसर इत्यादीबाट बच्न र तन्दुरुस्त रहन युरोप अमेरिकातिर अत्यधिक रुचाइएको नियमित दौडिएर स्वास्थ्य रहने पार्क रन संस्कृति नेपालमा पनि अनुकरणीय देखिन्छ ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
अष्ट्रेलियाको क्वीन्सल्याण्ड राज्यले विदेशी विद्यार्थीलाई आउन दिने
- 7 minutes ago
सिड्नी । अष्ट्रेलियाको क्विन्सल्याण्ड राज्यले विदेशी विद्यार्थीलाई आउन दिने घोषणा गरेको छ। कोरोनाभाइरस विरुद्धको खोप लगाउनेको संख्या बढेसँगै क्विन्सल्याण्ड राज्यले सो घोषणा गरेको हो। क्विन्सल्य
बैंक अफ काठमाण्डूका ग्राहकहरुलाई केजीएचका होटल तथा रिसोर्टमा १५ प्रतिशत छुट
- 21 minutes ago
काठमाडौँ । बैंक अफ काठमाण्डू लिमिटेड र काठमाडौँ गेस्ट हाउसबीच बैंकको डेबिट कार्ड, क्रेडिट कार्ड तथा मोबाइल बैंकिङबाट क्यूआर कोड स्क्यान गरी भुक्तानी गर्दा आफ्ना ग्राहकहरुलाई कला संग्रहालयको प्रवेश शुल
प्रहरी हत्या घटनाः नौ जनालाई जन्म कैदको फैसला
- 32 minutes ago
धनगढी । धनगढी उपमहानगरपालिकाको दक्षिणी सीमा क्षेत्रको जुगेडा गाउँमा रहेको प्रहरी पोष्टका दुई प्रहरीको हत्या घटनामा संलग्न हुने नौ जनालाई जन्मकैदको फैसला सुनाइएको छ ।
पर्यटन
माल्दिभ्समा अक्टोबरमा एक लाख भन्दा बढी पर्यटक आगमन
एजेन्सी । अक्टोबरमा हालसम्म एक लाखभन्दा बढी पर्यटकहरुले माल्दिभ्सको भ्रमण गरेका छन् ।राज्यको स्वामित्वमा रहेको पीएसएम न्यूजले यहाँको पर्यटन मन्त्रालयको तथ्यांकलाई उद्धृत गर्दै मंगलबार उक्त तथ्याङ्क सार्वजनिक गरेको हो ।
जीवनशैली
मरिच खानुका फाइदाहरु
एजेन्सी । मरिचलाई खानाका परिकारमा मात्रै नभएर विभिन्न घरेलु औषधिका रुपमा पनि प्रयोग गर्न सकिन्छ । पेट, छाला र हाडसँग जोडिएका समस्याहरुका लागि मरिच धेरै नै प्रभावकारी मानिन्छ । यस्ता छन् औषधिय मरिचका फाइदाहरुः
विचित्र विश्व
सर्वसाधारण युवकसँग विवाह गरेपछि जापानकी राजकुमारीको राजकीय पद गुम्यो
एजेन्सी । जापानकी राजकुमारी माकोले सर्वसाधारण एक युवकसँग बिवाह गरेकी छन् । विवादका बीच उनले मंगलबार सामान्य प्रक्रिया अपनाएर बिवाह गर्दै राजदरबारबाट बाहिरिएकी छन् । त्यसअघि उनले आफ्ना बुवा युवराज फुमिहितो र युवराज्ञी किकोलाई निहुरिएर विदाई अभिवादन गरेकी थिइन् भने आफ्नी बहिनीलाई अँगालो हालेकी थिइन् ।
