एनआरएन यूकेले सेप्टेम्बर १ मा अपांगता सहयोगार्थ च्यारिटी कार्यक्रम गर्ने

Norvic Hospital
  • आइतबार, १७ आषाढ, २०७५
  • 3 years ago
  • युके

लन्डन ।  गैर आवासीय नेपाली संघ (एनआरएन) युकेले  अपाङ्गता भएकाहरुको सहयोगका लागि एक बृहद च्यारिटी कार्यक्रम गर्ने भएको छ ।

 

एनआरएन यूके च्यारिटी विभागको आयोजनामा आउदो सेप्टेम्बर महिनाको १ तारिखका दिन अल्डर्सटको एम्पायर हलमा ’डिसाबिलीटी एड च्यारिटी’ कार्यक्रम हुने  भएको हो ।

 

शुक्रबार सांझ अल्डर्सटस्थित भेटघाट रेस्टुरेण्टमा एक पत्रकार सम्मेलन गर्दै एनआरएन यूकेले उक्त कार्यक्रमबारे जानकारी गराएको हो ।

 

गोर्खाली चेलीका रुपमा परिचित चर्चित बेलायती अभिनेत्री जोआना लुम्ले र बेलायतको प्रतिष्ठित ग्यालन्ट्री क्रस बाट सम्मानित गोर्खा सैनिक दिपप्रसाद पुनलाई विशेष अतिथीका रुपमा उक्त कार्यक्रममा सहभागी गराउने तयारी गरिएको छ । 

 

विभिन्न शारीरिक अपांगता भएर पनि समाजमा उदाहरणीय योगदान पुर्याउन सफल आधा दर्जन बढि विशेष प्रतिभाहरुले सो कार्यक्रममा प्रस्तुतिहरु देखाउनेछन् । 

 

एउटा खुट्टाले नाचेर ठूलो ख्याती कमाउन सफल कलाकार निलम ढुंगाना कार्यक्रमका लागि नेपालबाट बेलायत आउने भएकी छन् । त्यस्तै, अफगानिस्तानमा दुवै खुट्टा गुमाएर पनि साहसिक रुपमा विभिन्न पर्वतारोहण पूरा गरेका किर्तिमानी भूपू गोर्खा हरि बुढा मगरदेखि बेलायती सेनामा सेवाकै क्रममा अपांगताको शिकार बनेर पनि समाजमा विभिन्न उदाहरणीय कार्यहरु गर्दै आएका विनोद बुढाथोकी, अनिल गुरुङ, नेत्र राना, कौशल लिम्बू र शिव थजालीले कार्यक्रममा आफ्नो प्रतिभाहरु देखाउनेछन् । त्यसैगरी,  सामाजिक कामहरुमा क्रियाशिल कुशल नृत्यांगना तथा  मिसेस यूके नेपालकी एक विजेता  अमृता गिरीको प्रस्तुति पनि कार्यक्रममा रहनेछ । 

 

 

च्यारिटी कार्यक्रमका संयोजक तथा एनआरएन यूके उपाध्यक्ष प्रेम गाहा मगरले च्यारिटी कार्यक्रमबाट अपांगता भएकाहरुको सहयोगका लागि कोष संकलन गर्नुका साथै शारीरिक अपांगता भएर पनि आफ्नो विशेष कला र प्रतिभाको माध्यमबाट समाजमा उदाहरण प्रस्तुत गर्न सफल पात्रहरुलाई सम्मान र प्रोत्साहन गर्ने उद्धेश्य राखिएको बताए । कार्यक्रमबाट संकलन हुने कोष नेपाल तथा बेलायतमा अपाङ्गता भएकाहरुको लागि सहयोग गरिने जानकारी संयोजक गाहामगरले दिए । 

 

पत्रकार सम्मेलनमा एनआरएन यूके अध्यक्ष योगकुमार फगामीले एनआरएन यूके गैरआवासीय नेपालीहरुको साझा संस्थाका रुपमा समाजका हरेक तप्कासंग पुग्ने क्रममा यो कार्यक्रमबाट समाजका फरक क्षमता भएका पात्रहरुलाई हौसला र सम्मान गर्न लागिएको बताए । अध्यक्ष फगामीले च्यारिटी कार्यक्रमबाट कति रकम सहयोग गरिन्छ भन्दा पनि फरक क्षमता भएकाहरुको विशेष प्रतिभा र कलाको सम्मान तथा प्रोत्साहन बढि महत्वपुर्ण हुने भएकाले सोहिअनुसार कार्यक्रम गर्न लागिएको बताए । 

 

उपाध्यक्ष शेर सुनारले अपांगता भएर पनि समाजका विभिन्न क्षेत्रमा विशिष्ट योगदान गर्नेहरुको सम्मानका लागि एनआरएन यूके सदैव तयार रहने भन्दै उनीहरुलाई प्रोत्साहन गर्न आयोजना हुने कार्यक्रम सफल बनाउन सबैमा अपील गरे । एनआरएन यूकेका महासचिव आरके त्रिपाठीले यो कार्यक्रम समाजको लागि एउटा नयां र सकारात्मक सुरुआतको उदाहरण बन्ने विश्वास व्यक्त गरे । कार्यक्रमबाट कति पैसा उठ्ने भन्दा पनि कुन अवधारणा र लक्ष्यमा कार्यक्रम गरिदैछ भन्ने विषयले बढि महत्व राख्ने उनको धारणा थियो । 

 

च्यारिटी कार्यक्रममा विशेष प्रस्तुति गर्ने हरि बुढा मगर, विनोद बुढाथोकी, नेत्र राना, शिव थजाली र अमृता गिरीले सेप्टेम्बर १ को कार्यक्रम समाजको लागि विशेष र प्रेरणादायक बन्ने भन्दै सहभागिताको लागि समुदायलाई आग्रह गरे । शारीरिक रुपमा असमान हुंदैमा व्यक्ति मानसिक तथा अन्य सबै हिसाबले पनि कमजोर नै हुन्छ भन्ने सोंच गलत छ भनेर कार्यक्रमले प्रमाणित गरिदिने उनीहरुको दाबी छ । 

 

'यो कार्यक्रमबाट हामीले कुनै सहयोगको अपेक्षा गरेका छैनौं, हामी त हाम्रो कला, प्रतिभा देखाएर तपाईलाई र समाजलाई सहयोग गर्न चाहन्छौं', कार्यक्रममा सहभागिताको लागि अपील गर्दै उनीहरुले एक स्वरमा भने , 'यो कार्यक्रमले कति कोष संकलन गर्छ, कति सहयोग हुन्छ भन्ने महत्वपुर्ण होइन । यस्ता कार्यक्रमको सुरुआत महत्वपुर्ण कुरा हो । त्यसैले यस कार्यक्रमलाई सफल पार्न तपाईहरुको सहयोग, साथ पाउनेछौं भन्ने हामीले आशा गरेका छौं ।'

 

बायांबाट क्रमश: विनोद बुढाथोकी, नेत्र राना, अमृता गिरी, शिव थजाली र हरि बुढा मगरले कार्यक्रममा विशेष प्रस्तुति गर्दैछन् । 

 

कार्यक्रममा सहारा यूके अध्यक्ष मिन साईंला गुरुङ, यति एशोसिएसन महासचिव तथा पत्रकार बाचस्पति रेग्मी, एनआरएन यूके धर्म विभाग प्रमुख होमनाथ पौडेल, सिता भण्डारी, प्रिमा भट्टराई, गिता बस्नेत लगायतले राम्रो उद्धेश्यका साथ कार्यक्रम हुन लागेको भन्दै सफलताको शुभकामना दिएका थिए । 

 

६ सय जना सहभागी हुने अपेक्षा गरिएको कार्यक्रमबाट झण्डै १४ हजार पाउण्डको कोष संकलन गर्ने लक्ष्य राखिएको छ । कार्यक्रममा सहभागिताको लागि ४० पाउण्डको टिकट लाग्ने आयोजकले बताएका छन् । 

 

एनआरएन यूकेले बक्सिङ्ग शो सहितको च्यारिटी कार्यक्रम गरेको ६  महिना नपुग्दै पुनः अर्को च्यारिटी कार्यक्रम गर्न लागेको हो  । तर विगतको कार्यक्रममा सहयोग प्रतिबद्धता गरिएको मध्ये केहि रकम अहिलेसम्म पनि उठ्न बांकी रहेको तथ्यलाई ध्यानमा राखेर यसपटक भने सहयोग प्रतिबद्धता भन्दा स्पोन्सर र टिकट बिक्रीलाई बढि महत्व दिएर कोष संकलन गर्ने योजना बनाइएको छ । 

तस्बिरहरु : शिब भण्डारी 

 


Ipay: Payment Gateway of Nepal
Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

महेश मान्जेकरले जिते क्यान्सर

  • 50 seconds ago
महेश मान्जेकरले जिते क्यान्सर

एजेन्सी । चर्चित अभिनेता एवं फिल्म निर्माता तथा निर्देशक महेश मान्जेकर क्यान्सरमुक्त भएका छन् ।

सप्तरीमा बसको ठक्करबाट महिलाको मृत्यु

  • 4 minutes ago
सप्तरीमा बसको ठक्करबाट महिलाको मृत्यु

काठमाडौँ । सप्तरीको खडक नगरपालिका– ७ कल्याणपुर चोकमा भएको दुर्घटनामा घाइते एक महिलाको बुधबार मृत्यु भएको छ। पूर्व–पश्चिम लोकमार्गस्थित कल्याणपुर चोकमा पूर्वबाट पश्चिमतर्फ जाँदै गरेको को. १ख ७७

अष्ट्रेलियामा कोरोना कारण एकैदिन १६ जनाको मृत्यु

  • 16 minutes ago
अष्ट्रेलियामा कोरोना कारण एकैदिन १६ जनाको मृत्यु

सिड्नी । अष्ट्रेलियामा कोरोना कारण एकैदिन १६ जनाको मृत्यु भएको छ । कोरोनाका कारण हालसम्म अष्ट्रेलियामा १६६९ जनाको ज्यान गइसकेको छ । त्यस्तै पछिल्लो एक दिनमा १८५० जनामा कोरोना संक्रमण पुष्टि भएको छ ।



पर्यटन

माल्दिभ्समा अक्टोबरमा एक लाख भन्दा बढी पर्यटक आगमन

माल्दिभ्समा अक्टोबरमा एक लाख भन्दा बढी पर्यटक आगमन

एजेन्सी । अक्टोबरमा हालसम्म एक लाखभन्दा बढी पर्यटकहरुले माल्दिभ्सको भ्रमण गरेका छन् ।राज्यको स्वामित्वमा रहेको पीएसएम न्यूजले यहाँको पर्यटन मन्त्रालयको तथ्यांकलाई उद्धृत गर्दै मंगलबार उक्त तथ्याङ्क सार्वजनिक गरेको हो ।

जीवनशैली

मरिच खानुका फाइदाहरु

मरिच खानुका फाइदाहरु

एजेन्सी । मरिचलाई खानाका परिकारमा मात्रै नभएर विभिन्न घरेलु औषधिका रुपमा पनि प्रयोग गर्न सकिन्छ । पेट, छाला र हाडसँग जोडिएका समस्याहरुका लागि मरिच धेरै नै प्रभावकारी मानिन्छ । यस्ता छन् औषधिय मरिचका फाइदाहरुः

विचित्र विश्व

सर्वसाधारण युवकसँग विवाह गरेपछि जापानकी राजकुमारीको राजकीय पद गुम्यो

सर्वसाधारण युवकसँग विवाह गरेपछि जापानकी राजकुमारीको राजकीय पद गुम्यो

एजेन्सी । जापानकी राजकुमारी माकोले सर्वसाधारण एक युवकसँग बिवाह गरेकी छन् । विवादका बीच उनले मंगलबार सामान्य प्रक्रिया अपनाएर बिवाह गर्दै राजदरबारबाट बाहिरिएकी छन् । त्यसअघि उनले आफ्ना बुवा युवराज फुमिहितो र युवराज्ञी किकोलाई निहुरिएर विदाई अभिवादन गरेकी थिइन् भने आफ्नी बहिनीलाई अँगालो हालेकी थिइन् ।