गणतन्त्र दिवसमा लण्डन दूतावासमा गरियो 'नेपाल डेभलपमेन्ट कन्फरेन्स'

Norvic Hospital

लण्डन । नेपालको गणतन्त्र दिवसको अवसर पारेर लण्डनस्थित नेपाली दूतावासले मंगलबार एक भव्य समारोहकाबीच 'नेपाल डेभलेपमेन्ट कन्फरेन्स' आयोजना गरेको छ । 

समारोहमा नेपालको डेभलपमेन्ट सेक्टरसंग प्रत्यक्ष, परोक्ष सम्बन्ध राख्ने बेलायती तथा नेपाली संघसंस्था र समुदायका झण्डै ३ सय प्रतिनिधीहरुको सहभागिता रह्यो । 

 

बेलायतका पूर्वमन्त्री टोनी बाल्डरीको प्रमुख आतिथ्य रहेको कार्यक्रममा नेपालको डेभलपमेन्ट सेक्टरसंग सम्बन्धित विभिन्न विषयमा आधा दर्जन प्रिजेन्टसनहरु प्रस्तुत गरिएका थिए । 

 

बेलायतका लागि नेपाली राजदूत डा दुर्गाबहादुर सुवेदी र बेलायती पूर्व मन्त्री बाल्डरीले संयुक्त रुपमा समारोहको उद्घाटन गरेका थिए । 

 

 

समारोहमा स्वागत मन्तव्य राख्दै समारोहको अध्यक्षता समेत गरेका राजदूत डा सुवेदीले गणतन्त्र दिवसको उपलक्ष्यमा देश, विदेशमा रहेका सम्पुर्ण नेपालीहरुमा शुभकामना व्यक्त गरे । 'समृद्ध नेपाल र सुखी नेपाली'को लक्ष्य प्राप्तिको अभियानमा नेपाल सरकारले अहिले आफ्नो सम्पुर्ण ध्यान केन्द्रित गरेको जानकारी डा राजदूत सुवेदीले गराए । 

 

'अहिले देशमा राजनीतिक स्थिरता छ, संसदको दुई तिहाईभन्दा बढि मत प्राप्त शक्तिशाली र स्थायी सरकार बनेको छ । आर्थिक विकास र सामाजिक रुपान्तरणको एजेण्डालाई सफल बनाउन सरकारको तर्फबाट स्पष्ट प्रतिबद्धताका साथै सार्थक पहलहरु पनि सुरु भएका छन्', राजदूत डा सुवेदीले भने । 

 

आर्थिक विकासको लक्ष्य प्राप्तिका लागि नेपाल सरकारले उदार आर्थिक नीतिहरु अवलम्वन गरेको समरण गराउंदै डा सुवेदीले थपे, 'राजनीतिक स्थायित्व स्थापित गर्नेदेखि आर्थिक समृद्धिको लागि आधारहरु तयार गर्नेसम्मको यो प्रक्रियामा एउटा पुरानो मित्रराष्ट्रका रुपमा बेलायतले जुन समर्थन र सहयोग गरेको छ , आउंदा दिनहरुमा पनि यस्तै ऐक्यबद्धता, समर्थन र सहयोगको अपेक्षा हामीले गरेका छौं ।' 

 

 

समारोहका प्रमुख अतिथी बेलायती पूर्व मन्त्री बाल्डरीले बेलायत र नेपालबीच सदियौंदेखि रहंदै आएको द्धिपक्षीय सम्बन्ध बहुआयमिक रहेको बताए । नेपालमा नयां संविधानको सफल कार्यान्वयन, संघीय शासन व्यवस्थाको सुरुवातसंगै आर्थिक विकासको युग सुरु हुंदै गरेको प्रसंग उल्लेख गर्दै बाल्डरीले भने, 'नेपालमा लगानी गर्नका लागि सबैभन्दा उत्तम समय अहिले नै हो । नेपालको वर्तमान सरकार र प्रधानमन्त्रीका तर्फबाट आर्थिक विकासका सवालमा सुरु गरिएका कोशिस र प्रतिबद्धताहरु निकै सकारात्मक देखिएका छन् ।'

 

नेपाल बेलायत सम्बन्धको मेरुदण्डका रुपमा गोर्खाहरुको बहादुरीपुर्ण योगदानको चर्चा गर्दै उनले नेपालको विकासका लागि बेलायतले हार्दिकताका साथ सहयोग गर्ने स्पष्ट पारे । 

 

बेलायती विदेश मन्त्रालयअन्तर्गत दक्षिण एशिया विभागकी उपनिर्देशक लेस्ली क्रेगले समारोहलाई सम्बोधन गर्दै नेपालको गणतन्त्र दिवसको अवसरमा बेलायत सरकारका तर्फबाट सम्पुर्ण नेपालीहरुमा शुभकामना व्यक्त गरिन् । बेलायत नेपाल द्धिपक्षीय सम्बन्धलाई थप उचाई दिन बेलायत सदैव ईच्छुक र प्रतिबद्ध रहेको उनले बताइन् । 

 

त्यसअवसरमा ब्रिटेन नेपाल सोसाइटीका अध्यक्ष रोजर पोर्टर र सोसाइटीको नयां अध्यक्ष नियुक्त भएका नेपालका लागि बेलायतका पूर्व राजदूत एन्ड्रु स्पार्कस्ले बेलायत नेपाल सम्बन्ध र सोसाइटीको विगत तथा भावी कार्यक्रमहरुबारे बोलेका थिए । 

 

समारोहमा नेपालको विकास सेक्टरमा क्रियाशिल रहेका बेलायती च्यारिटी संस्थाहरुको साझा नेटवर्क 'ब्रान्गो' (ब्रिटेन एण्ड नेपाल एनजिओ) को औपचारिक लञ्च गरिएको थियो । त्यस्तै, 'अ ट्राभल गाइड टु धौलागिरी' नामक जानकारीमुलक पुस्तकको विमोचन पनि सोहि अवसरमा गरियो । नेपालबाट आएकी चित्रकार सम्झना राजभण्डारीको नेपालसम्बन्धी चित्रकला प्रदर्शनी  पनि सोहि अवसरमा उद्घाटन गरिएको थियो ।

 

 

समारोहमा बेलायतस्थित प्राध्यापक डा सुर्यप्रसाद सुवेदीलाई नेपाल सरकारको तर्फबाट सम्मान गरियो । गत वर्ष बेलायती महारानी एलिजावेथबाट प्रतिष्ठित 'क्युसी' (क्विन्स् काउन्सेल ) मा नियुक्त हुन सफल भएको तथा बेलायत र नेपालबीचको द्धिपक्षीय सम्बन्धलाई सुदृढ गर्ने कार्यमा महत्वपुर्ण योगदान गरेको भन्दै प्राध्यापक डा सुवेदीलाई सम्मान गरिएको हो । 

 

सम्मानित भएपछि समारोहलाई सम्बोधन गर्दै प्राध्यापक डा सुवेदीले बेलायती महारानीबाट क्युसीमा नियुक्त गरेर आफुलाई गरिएको सम्मानलाई आफुले बेलायतबासी सम्पुर्ण नेपालीहरुलाई बेलायतका तर्फबाट गरिएको सम्मानका रुपमा लिएको बताए । 

 

कार्यक्रमको दोस्रो चरणमा नेपालको विकास सेक्टरसंग सम्बन्धित विभिन्न विषयमा आधा दर्जन प्रिजेन्टेसनहरु गरिएका थिए । जसअन्तर्गत रेजिएस किपर रोयल बोटानिकल गार्डेन्स, इडिनबराका साइमन मिल्नेले नेपाल तथा बेलायतबीच बोटानिकल (बनस्पति) संग सम्बन्धित क्षेत्रमा रहेको सम्बन्धबारे प्रिजेन्टेसन गरेका थिए । त्यस्तै, एलिसन मार्स्टनले ब्रिटेन नेपाल सोसाइटी र नेपालमा यसको सहभागिताबारे तथा युनिभर्सिटी अफ लण्डनका नेपलिज तथा हिमालयन स्टडिज विभागका प्राध्यापक डा माइकल हटले नेपालको राजनीतिक विकासक्रमबारे प्रिजेन्टेसन गरे । 

 

लिभरपुल जोन मुर युनिभर्सिटीका डा सारा पार्कर र सिर्जना योञ्जन सिंहले 'रोल अफ वुमन इन नेपाल' शीर्षकको प्रिजेन्टेसन प्रस्तुत गरे भने ग्रेट अर्मोण्ड स्ट्रिट अस्पतालका कन्सल्टेन्ट न्युरोसर्जन विलियम हार्कनेसले 'टेलिमेडिसिन एण्ड वर्किंग इन ग्रुप' शीर्षकमा प्रिजेन्टेसन गरे । 

 

 

बिहान पौने १२ बजे सुरु भएको समारोहका अतिथीहरुको स्वागतमा सपनकुमार राई, बीबी अनुरागी र सितु खरेलले 'यो नेपाली शिर उचाली...' बोलको गीत प्रस्तुत गरेका थिए । 

 

समारोहको दोस्रो चरणमा प्रिजेन्टेसनहरु सुरु हुनुअघि संिगता गैरे, लिसा सुनार, एलिसा गौचन, कल्पना लिम्बू, श्रेया महर्जन, विभिया श्रेष्ठ, ग्रिष्मा भुषाल र सुस्मिता थापासहितका कलाकारहरुले विभिन्न मौलिक नेपाली लोकनृत्यहरु प्रस्तुत गरेका थिए । 

 

समारोहको अन्त्यमा राजदूत डा सुवेदीले समारोहका प्रमुख अतिथी, विशेष अतिथी तथा कार्यक्रममा विभिन्न प्रस्तुति गर्ने कलाकारहरुलाई सम्मानस्वरुप मायाको चिनो प्रदान गरेका थिए । 

 

कार्यक्रमको सञ्चालन लण्डन दूतावासका प्रवक्ता शरदराज आरनले गरेका थिए । 

 

तस्बिरहरु : नरेन्द्र बस्नेत/ गोर्खा रेडियो 


Ipay: Payment Gateway of Nepal
Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

तिता कुरा बिर्सेर नेतृत्वलाई सहयोग गर्न डा. लोहनीको आग्रह

  • 5 hours ago
तिता कुरा बिर्सेर नेतृत्वलाई सहयोग गर्न डा. लोहनीको आग्रह

काठमाडौँ । राप्रपाका निवर्तमान अध्यक्ष डा. प्रकाश चन्द्र लोहनीले तिता कुरा बिर्सेर नेतृत्वलाई सहयोग गर्न आग्रह गरेका छन्। नवनिर्वाचित पदाधिकारी तथा केन्द्रीय सदस्यहरूको शपथ तथा प्रमाणपत्र वितरण कार्यक

पेक्रेसेले सन् २०२२ को राष्ट्रपतीय निर्वाचनका लागि फ्रान्सको लेस रिपब्लिकन पार्टीको प्रतिनिधित्व गर्ने

  • 6 hours ago
पेक्रेसेले सन् २०२२ को राष्ट्रपतीय निर्वाचनका लागि फ्रान्सको लेस रिपब्लिकन पार्टीको प्रतिनिधित्व गर्ने

एजेन्सी । फ्रान्सको इले–डे–फ्रान्स क्षेत्रका अध्यक्ष भ्यालेरी पेक्रेसेले शनिबार पार्टीको चुनाव जितेर अप्रिल २०२२ मा हुने राष्ट्रपति चुनावमा लेस रिपब्लिकन पार्टीको प्रतिनिधित्व गर्नेछन् ।

सूर्य नेपाल गल्फ सोमबारबाट

  • 6 hours ago
सूर्य नेपाल गल्फ सोमबारबाट

काठमाडौँ । सूर्य नेपाल गल्फ टूर २०२१/२२ प्रतियोगिता भोलि (सोमबार) बाट सुरू हुने भएको छ। आयोजक प्रोफेस्नल गल्फर एसोसिएसनले आइतबार पत्रकार सम्मेलन गर्दै प्रतियोगिता सोमबारबाट सुरू भइ बिहीबार समापन हुने



पर्यटन

सिर्के चरा

सिर्के चरा

कञ्चनपुर । शुक्लाफाँटा राष्ट्रिय निकुञ्जको मध्यवर्ती क्षेत्र कालागौंडीमा देखापरेको कालो सिर्के चरा ।

जीवनशैली

घर र अफिसमा प्रयोग गर्नुहोस् यी फर्निचर, फाइदा हुनेछः वास्तुशास्त्र

घर र अफिसमा प्रयोग गर्नुहोस् यी फर्निचर, फाइदा हुनेछः वास्तुशास्त्र

एजेन्सी । आज वास्तुशास्त्रमा घर र कार्यालयका फर्निचरको प्रयोग बारे जान्नुहोस्। यदि तपाईं घर वा कार्यालयमा काठसँग सम्बन्धित कुनै काम सुरु गर्न चाहनुहुन्छ भने, ध्यान राख्नुहोस् कि काठको कामको लागि सधैं दक्षिण वा पश्चिम दिशाबाट सुरु गर्नुहोस् र उत्तर वा पूर्व दिशामा समाप्त गर्नुहोस्।

विचित्र विश्व

विश्वभर ओमिक्रोनको त्रास, हालसम्म कतिवटा देशमा भेटियो कोरोनाको यो भेरियन्ट ?

विश्वभर ओमिक्रोनको त्रास, हालसम्म कतिवटा देशमा भेटियो कोरोनाको यो भेरियन्ट ?

एजेन्सी । दक्षिण अफ्रिकामा कोरोना भाइरसको नयाँ भेरियन्ट ओमिक्रोन पत्ता लागेदेखि विश्वभर फैलिने क्रम जारी रहेको छ । ओमिक्रोन श्रीलंका, भारत, जापान, मलेसिया, सिंगापुर र दक्षिण कोरिया जस्ता एसियाली राष्ट्रहरू सहित दुई दर्जन भन्दा बढी देशहरूमा फैलिएको छ।