मनकामना मन्दिर जिर्णोद्धारमा तीन किलो सुन अपुग

• माेहसिन अलि मियाँ
• आइतबार, २७ साउन, २०७५
• 2 years ago
• नेपाल

गोरखा । नेपालकै ऐतिहासिक मनकामना मन्दिर जिर्णोद्वारका क्रममा तीन किलो सुन अपुग भएको छ । सुरुमा लागत आँकलन गर्दा आठ किलो सुन लाग्ने अनुमान गरिएपनि १५ किलो खर्च भइसकेको छ ।

 

‘फेरी तिन किलो सुन अपुग देखिएको छ, हामीले खरिद प्रक्रिया सुरु गरिसकेका छौँ’, मनकामना मन्दिर जिर्णोद्धार समितिका अध्यक्ष नरेन्द्रबाबु श्रेष्ठले भने । 

 

२०७२ असारबाट निर्माण सुरु गरिएको मन्दिरको ९५ प्रतिशत काम सम्पन्न भइसकेको छ । अझै केही काम बाँकी रहेकाले सुन अपुग देखिएको हो ।

 

तीन वर्ष अघि निर्माण सुरु गरिएको मन्दिर निर्माणमा ३ किलो सुन थप भएपछि  २ करोड लागत थप हुने अनुमान गरेको छ । सुन खरिदका लागि अब प्रक्रिया अगाडी बढि सकेकोले मन्दिर पुर्ननिर्माणमा त्यसले कुनै असर नगर्ने समितिको दाबी छ ।

 

अपुग सुन समय खरिद भए र कालिगढले निरन्तर काम गर्न पाए दशैं अगावै निर्माण कार्य सम्पन्न हुने समितिको विश्वास छ । अहिले जिर्णोद्धारका क्रममा भक्तजनका अस्थायी पुजा निर्माण गरी पुजाआजाको व्यवस्था गरिएको छ ।

 

मन्दिरको पुर्ननिर्माणसँगै बाहिरी संरचना निर्माणको काम पनि  केही बाँकी छ । आँगन, कम्पाउण्ड, पश्चिम पट्टीको धुनी र पूजा कोठा फराकिलो गर्ने काम अझै बाँकी रहेको जिर्णोद्धार समितिका अध्यक्ष श्रेष्ठले बताए ।

 

लामो इतिहास बोकेको उक्त मन्दिर केही वर्ष यता जिर्णोद्धार गर्नुपर्ने चर्चा चलेको थियो । २०७२ बैशाख १२ गते गएको विनाशकारी भूकम्प मन्दिर दक्षिण पश्चिम ढल्किए पछि जगैबाट भत्किएर पुनर्निमाण थालिएको हो ।

• मनकामना मन्दिर

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।