जुम्लामा भएको क्षतिप्रति मुख्यमन्त्री मेहन्द्रबहादुर शाहीद्वारा दुख व्यक्त

• बिहीबार, ३ साउन, २०७५
• 2 years ago
• राजनीति

सुर्खेत ।  कर्णाली प्रदेशका मुख्यमन्त्री महेन्द्रबहादुर शाहीले आज कर्णाली स्वास्थ्य विज्ञान प्रतिष्ठान जुम्लामा भएको घटनाले आफूलाई दुखित तुल्याएको बताएका छन् । 

 

विनाकारण प्रतिष्ठानमा ढुंगामुढा गरी क्षति पु¥याइनु दुःखको कुरा बताउँदै उनले भने,“कर्णाली प्रदेशमा सबैखाले स्वास्थ्य सेवा उपलब्ध हुने भएकाले कमजोर हुँदै गएको डा केसीको ज्यानको सुरक्षाका लागि काठमाडौंँ जान आग्रह गर्न जुम्ला गएका थियौंँ तर प्रदेश सरकारलाई समेत गेट बन्द गरेर डा केसीलाई भेट्न जान असहज वातावरण बनाइयो ।” 

 

उक्त घटनामा संलग्न सिसी क्यामेरामा कैद भइसकेकाले तिनको उचित छानवीन गरी कारवाहीको दायरामा ल्याउने उनको भनाइ थियो । 

 

आन्तरिक मामिला तथा कानूनमन्त्री नरेश भण्डारीले प्रतिष्ठान, शिक्षण अस्पतालजस्तो संवेदनशील क्षेत्रमा सुनियोजित ढंगबाटै तोडफोड भएको बताए । 

 

यसैबीच आन्दोलनकारीसँगको झडपमा गम्भीर घाइते प्रहरी जवान कमल आचार्यलाई साँझ ६ः४५ बजे थप उपचारका लागि फिस्टेल एयरको हेलिकोप्टरबाट नेपालगञ्ज पठाइएको जिल्ला प्रहरी कार्यालय जुम्लाका प्रहरी नायब उपरीक्षक डा तपनकुमार दाहालले जानकारी दिए ।

 

उनका अनुसार आन्दोलनकारीले हानेको सिसा आचार्यको बायाँ छातीबाट बिझेर दायाँ छातीमा पुगेको छ र अवस्था निकै जटिल छ । 

 

• महेन्द्रबहादुर शाही

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।