हजार मतदान केन्द्रको निर्वाचन रद्द

• बिहीबार, १७ जेष्ठ, २०७५
• 4 years ago
• अन्तर्राष्ट्रिय

बगदाद । इराकको स्वतन्त्र उच्च निर्वाचन आयोगले एक हजार २१ वटा मतदान केन्द्रको निर्वाचन रद्द गरेको छ । 

 

आयोगले यही मे १२ तारिखका दिन भएको संसदीय निर्वाचनका क्रममा ती ठाँउहरुमा अनियमितता भएको उजुरीका आधारमा छानबिन गर्दा कमजोरी देखिएकाले निर्वाचन रद्द गरिएको बुधबार जनाएको छ । 

 

आयोगद्वारा जारी विज्ञप्तिमा अनियमितता भएको भनिएका देशभरका झण्डै दुई हजार वटा मतदान केन्द्रमा छानबिन भएको जनाइएको छ । 

 

उजुरीकै आधारमा छानबिन गरेर गत मे २१ मा पनि आयोगले १०३ वटा मतदान केन्द्रको निर्वाचन रद्द गरेको थियो । 

 

मतदाता परिचयपत्र नभएकाहरुलाई इराकको नागरिकतासँग मिल्ने अधिकारीक कुनै परिचय पत्र भएमा मतदान गर्न दिने व्यवस्था गरिएको थियो । 

 

संयुक्त राष्ट्रसंघको एक विषेश टोलीले यही मे १७ तारिखका दिन विज्ञप्ति जारी गर्दै उजुरीका आधारमा तत्काल छानबिन गरी सत्य तथ्य सार्वजनिक गर्न इराकको निर्वाचन आयोगलाई आग्रह गरेको थियो । 

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।