प्राधिकरणका महानिर्देशकलाई पर्यटनमन्त्रीले सोधे दोस्रोपटक स्पष्टीकरण

काठमाडौँ। संस्कृति, पर्यटन तथा नागरिक उड्डयन मन्त्री सुदन किरातीले नेपाल नागरिक उड्डयन प्राधिकरणका महानिर्देशक प्रदीप अधिकारीलाई दोस्रोपटक स्पष्टीकरण सोधेका छन्।

यसअघि पहिलोपटक ११ असारमा महानिर्देशक अधिकारीलाई मन्त्री किरातीले ९ बुदे स्पष्टीकरण सोधेका थिए। सात दिनको समय राखेर सोधिएको प्रश्नको जवाफ अधिकारीले नदिएपछि मन्त्री किरातीले ‘के कति कारणले जवाफ नदिएको हो’ भनेर फेरि स्पष्टीकरण सोधेका हुन्।

बुधबारको मन्त्रीस्तरीय निर्णयअनुसार महानिर्देशक अधिकारीलाई तीन दिनभित्र स्पष्टीकरण बुझाउन भनिएको छ। साथै अन्यथा कानुनअनुसार प्रक्रिया अगाडि बढ्ने व्यहोरा पत्रमा उल्लेख गरिएको छ।

पहिलो स्पष्टीकरणको जवाफ अधिकारीले नदिएपछि ‘के कति कारणले जवाफ नदिएको हो’ भन्ने बेहोराको दोस्रो स्पष्टीकरण मन्त्री किरातीले सोधेका छन्।