सुनचाँदीको मूल्य स्थिर

काठमाडौँ। आज नेपाली बजारमा सुनचाँदीको मूल्य स्थिर छ।

नेपाल सुनचाँदी व्यवसायी महासंघका अनुसार यस दिन छापावाल सुन प्रतितोला एक लाख ११ हजार ३०० रुपैयाँमा कारोबार भएको छ। आइतबार पनि छापावाल सुन यही मूल्यमा कारोबार भएको थियो।

तेजाबी सुनको मूल्य पनि स्थिर रही प्रतितोला एक लाख १० हजार ७५० रुपैयाँमा कारोबार भएको छ।

यस्तै, चाँदीको मूल्य समेत स्थिर छ। चाँदी प्रतितोला एक हजार ३९५ रुपैयाँमा कारोबार भएको महासंघले जनाएको छ।