पारस खड्का र सन्दिप लामिछाने लण्डन पुगेर गरे यस्ताे अपील
- नेपालीपत्र संवाददाता
- बिहीबार, १७ जेष्ठ, २०७५
- 3 years ago
- खेल
- युके
लण्डन । नेपाली क्रिकेट जगतका दुई सुपरस्टार पारस खड्का र सन्दिप लामिछाने अहिले लण्डनमा छन् ।
नेपाली राष्ट्रिय टोलीका कप्तान पारस खड्का आइतबार नै बेलायत आएर विभिन्न भेटघाटमा व्यस्त बनिरहेका छन् भने बुधबार बिहान लण्डन उत्रिएका सन्दिप लामिछाने विहिबार साँझ लर्डस्मा हुने वेस्ट इण्डिजविरुद्धको मैत्रीपुर्ण च्यारिटी खेलमा विश्व-११ टिमको तर्फबाट खेल्दैछन् ।
बुधबार साँझ पारस र सन्दिप दुवैको सहभागितामा लण्डन साउथ ह्यारोको माया पबमा एक मिट एण्ड ग्रिट कार्यक्रम सम्पन्न भयाे । बेलायतस्थित विभिन्न नेपाली संघसंस्थाका प्रतिनिधी, समुदायका अगुवा, व्यवसायी, पत्रकार लगायतको उपस्थिति त्यस अवसरमा थियो ।
कार्यक्रमको सुरुमा क्रिकेटरद्वय पारस र सन्दिपलाई सहभागीहरुले खादा ओढाएर सम्मान गरे । उनीहरुले नेपाली क्रिकेटका दुई सेन्सेसनसँग तस्बिर खिचाउने मौका पनि छुटाएनन् ।
लर्ड्समै हुने एक डिनरमा सहभागी हुनुपर्ने भन्दै सन्दिप पहिले नै बाहिरिए पनि पारस भने राती अबेरसम्म कार्यक्रमस्थलमै बसे र सहभागीहरुसँग खुलेर अन्तरक्रिया गरे ।
त्यसक्रममा उनले आउँदो जुलाई २९ मा लण्डनको लर्ड्समा हुने नेपालको मैत्रीपुर्ण क्रिकेट हेर्न आएर आफुहरूको हौसला बढाइदिन बेलायतबासी नेपालीहरुलाई अपील गरे ।
'दुई वर्षअघि लर्ड्समा भएको नेपालको क्रिकेट हेर्न बेलायतका ५६ हजार नेपाली उपस्थित हुँदा हामी खेलाडी मात्र होइन, लर्ड्सकै अधिकारीहरु पनि छक्क परेका थिए । सायद त्यस कारण पनि अहिले हामीले मौका पाउन सजिलो भयो', पारसले भने, 'अब यसपटक त हामीले अझ बढि अपेक्षा गरेका छौं । यसपटक पनि उल्लेख्य उपस्थिति देखाउन सक्यौं भने भविष्यमा अझ ठूलो अवसरको सम्भावना रहन्छ ।'
नेपाली क्रिकेट इतिहासकै सबैभन्दा माथिल्लो तहमा पुगेको भन्दै पारसले धेरै सम्भावनाहरु रहेको तर त्यहाँसम्म पुग्न थुप्रै आधारहरु बनाउनुपर्ने अवस्था रहेको बताए ।
सहभागीहरुले सोधेका प्रश्नहरुमा पारसले जवाफ दिएका थिए । कार्यक्रमको संयोजन प्रशान्त कुँवर र सिद्धार्थविक्रम क्षेत्रीले गरेका थिए । कार्यक्रममा नेपाल फुड्स, ट्राभल कन्सोल, ए स्टार फाइनान्सियल सर्भिस र नेपालीपत्र डटकमको पनि सहकार्य थियो ।
कार्यक्रममा लोकप्रिय गायक योगेश्वर अमात्य, एनआरएन आइसिसी सदस्य रामशरण सिंखडा, एनआरएन यूके महासचिव आरके त्रिपाठी, व्यवसायीहरु उत्तम नेपाल, विराज भट्ट लगायतको उपस्थिति थियो ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
‘श्रमका क्षेत्रमा भएका अनियमितताको सुधारको काम सुरु भइसकेको छ’
- 5 hours ago
तनहुँ । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले तनहुँमा विकास निर्माणको कामले छलाङ मारेको जिकिर गरेका छन् । नेकपा (एकीकृत समाजवादी) भानु नगर कमिटीले आज आयोजना गरेको कार्यकर्ता भेल
चीनले अफ्रिकालाई महामारी विरुद्ध जुँध्न मद्दत गर्ने
- 5 hours ago
एजेन्सी । चीनले अफ्रिकालाई कोभिड-१९ महामारी विरुद्ध जुँध्न र विश्व बजारमा आफ्नो प्रतिस्पर्धात्मक क्षमता सुधार गर्न मद्दत गर्ने चाहेको रुसको स्पुतनिक समाचार एजेन्सीले जनाएको छ ।
ए डिभिजन लिगः च्यासल र एनआरटीले अंक बाँडे
- 6 hours ago
काठमाडौं । च्यासल युथ क्लब र न्यु रोड टिम (एनआरटी) ले बराबरी खेल्दै अंक बाडेका छन् । त्रिपुरेश्वर स्थित दशरथ रंगशालामा भएको सहिद स्मारक ए डिभिजन लिग फुटबलमा च्यासल युथ क्लब र एनआरटीले १–१ गोलको बराबरी
पर्यटन
आठौँ तनहुँ महोत्सव पुस २९ देखि
दमौली । तनहुँ उद्योग वाणिज्य सङ्घको आयोजनामा आगामी पुस २९ गतेदेखि आठौँ तनहुँ महोत्सव हुने भएको छ । कोरोनाले दुई वर्षदेखि स्थगित भएको महोत्सव यस पटक हुन लागेको हो । व्यास नगरपालिका–३ स्थित विपी वनबाटिकामा माघ १० गतेसम्म महोत्सव सञ्चालन हुनेछ ।
जीवनशैली
तुलसीको बोटमा यी दिनहरुमा जल चढाउनु हुँदैनः वास्तुशास्त्र
एजेन्सी । आज वास्तुशास्त्रमा तुलसीको बोटसँग सम्बन्धित केही अन्य महत्त्वपूर्ण कुराहरू जान्नुहोस्। परापूर्वकालदेखि नै घरमा तुलसीको बोट रोपेर दिनहुँ जल चढाउने चलन छ । तर, कतिपय विशेष दिनहरु यस्ता हुन्छन् जब तुलसीमा जल चढाउनु हुँदैन । कुन दिन तुलसीमा जल चढाउनु हुँदैन भन्ने बारेमा हामी तपाईलाई बताउँछौँ ।
विचित्र विश्व
हिन्दी फिल्ममा हिरो हेलिकोप्टरमा बसेर दुलहीको घर गएको देखेपछि हेलिकोप्टर चार्टर्ड गरेर विवाह
वीरगञ्ज । बाराको सिम्रौनगढ नगरपालिकाका जोगी साहले छोराको विवाहमा हेलिकोप्टर चार्टर्ड गरेर विवाह सम्पन्न गरेका छन् । जोगी बारा जिल्लाअन्तर्गत सिम्रौनगढ नगरपालिका र आर्दशकोतवाल गाउँपालिकाका ख्यातिप्राप्त खाद्यान्न (गोला) व्यापारी हुन् ।
