दीपेन्द्रसिंह, विनोद र सन्दीपलाई पाँच/पाँच लाख रुपियाँ पुरस्कारसहित सम्मान गरिने

धनगढी । सुदूरपश्चिम प्रदेश सरकारले राष्ट्रिय क्रिकेट टोलीका तीन जना खेलाडीलाई १६ लाख रुपियाँ पुरस्कार दिने घोषणा गरेको छ ।

सामाजिक विकासमन्त्री झपटबहादुर साउदले उक्त जानकारी दिएका हुन् ।

नेपाललाई टी–२० विश्वकपमा पुर्‍याउन सफल भएको भन्दै सुदूरपश्चिम प्रदेश सरकार मन्त्रपिरिषद्र बैठकले दीपेन्द्रसिंह ऐरी, विनोद भण्डारी र सन्दीप जोरालाई पाँच पाँच लाख नगद पुरस्कार दिन लागेको हो ।

एसियाली खेलकुदमा विश्व रेकर्ड बनाउन सफल दीपेन्द्रले भने थप एक लाखसहित ६ लाख रुपियाँ पुरस्कार पाउने बताइएको छ । मङ्गोलियासँगको खेलमा नौ बलमै अर्धशतक प्रहार गरी विश्व रेकर्ड बनाएका उनलाई थप एक लाख दिने निर्णय भएको हो ।