मेलवर्नमा नेपाल-अष्ट्रेलिया बिजनेश फोरम २०१८ सम्पन्न
लगानीका लागि नेपाल सुरक्षित बन्दै गएको विज्ञहरूको भनार्इ
- ऋषि अाचार्य
- मंगलबार, १९ आषाढ, २०७५
- 3 years ago
- नेपाल
- अष्ट्रेलिया
मेलवर्न । बहुमत र स्थिर सरकार भएकाले नेपाल वैदेशिक लगानीका लागि सुरक्षित बन्दै गएको मेलवर्नमा आयोजित एक कार्यक्रममा विज्ञहरूले बताएका छन् । नेपालमा वैदेशिक लगानी बढाउन मेलवर्नमा आयोजित बिजनेस फोरम २०१८ मा सहभागि व्यवसायी, राजनीतिज्ञ र कुटनितिक क्षेत्रका व्यक्तिहरूले नेपालको राजनीतिक परिवर्तन पछि अब नेपाल अर्थिक विकासमा लगानीका लागि मैत्रीदेश बन्दै गएको सहभागिहरुले बताएका थिए ।
नेपाली दूतावास क्यानबेरा र नेपाली अवैतनिक महावाणिज्यदूतको कार्यालय भिक्टोरियाको संयुक्त आयोजनामा जुन ३० मा आयोजित उक्त कार्यक्रमको उद्घाटन पछि बोल्दै अष्ट्रेलियाको भिक्टोरिया राज्यका अर्थमन्त्री तथा बहुसंस्कृति मन्त्री रविन स्कटल अष्ट्रेलियामा सबैभन्दा छिटो वृद्धि भइरहेको नेपाली समुदायले नेपाल र अष्ट्रेलियाबीचको व्यापार वृद्धिका लागि ध्यान दिनुपर्ने बेला आएको पनि धारणा राखे । सेवा होस् वा वस्तुको हरेक चिजको आदानप्रदान वृद्धिका लागि नेपाल सरकारसँग मिलेर काम गर्न आफुहरू तयार रहेको उनको भनाई थियो ।
कार्यक्रममा स्वागत मन्त्तव्य दिदैँ अष्ट्रेलियाका लागि नेपाली राजदूत लक्की शेर्पाले नेपाल संघीयतामा गइसकेको र राज्यका सबै तह पूर्ण बनिसकेको अवस्थामा लगानीका लागि उपयुक्त हुने भन्दै व्यवसायीहरूलाई नेपालमा लगानी गर्न आह्वान गरेकी थिइन् । अन्तर्राष्ट्रिय लगानीकर्ताहरूलाई अवसर भएको बताउँदै अष्ट्रेलिया र नेपालबीच जनता जनताबीचको सम्बन्ध विस्तार गर्दै दुईपक्षीय लगानीका नयाँ आयामहरू खोज्नुपर्ने पनि उनको धारणा थियो ।
बिजनेस फोरमका सहभागिहरूले नेपाल र अस्ट्रेलियाबीचको व्यापार, नेपालमा प्रत्यक्ष वैदेशिक लगानीको अवसर, अष्ट्रेलियामा आयात गर्न सकिने वस्तुहरूको पहिचान लगायतका विषयमा आ–आफ्नो विचार राखेका थिए । प्रमुख अतिथि नेपाल लगानी बोर्डका प्रमुख कार्यकारी अधिकृत महाप्रसाद अधिकारीले लगानीकर्ताहरूलाई आइपर्ने समस्याहरूको समाधान नेपाल सरकार सक्रिय रहेको बारे सहभागिहरूलाई भरोसा दिलाउँदै नेपालको निर्माणमा अरबौं बजेट चाहिएको र यो वैदेशिक लगानीविना पूरा हुन नसक्ने धारणा राखेका थिए ।
अष्ट्रेलियाको डिपार्टमेन्ट अफ फरेन अफियर्स एण्ड ट्रेड (डिफ्याट) को नेपाल हेर्ने डेस्क प्रमुख फियानो म्याकग्रीले नेपालमा हालै भएको परिवर्तनका लागि बधाई दिँदै उनले निजी क्षेत्रलाई आकर्षित गर्नका लागि व्यापार मैत्री कानून बनाउनुका साथै शैक्षिक, पर्यटन अझ दुई पक्षीय सहकार्य हुनुपर्ने बताइन् ।
एनआरएनका अध्यक्ष भवन भट्टले बिजनेस फोरमको आयोजनाले नेपाल र अष्ट्रेलियाबीच व्यापार अभिवृद्धि होस् भन्ने शुभकामना दिए । अध्यक्ष भट्टले अहिलेको सरकारले समृद्धिको लािग देखेको सपना पूरा गर्न विश्वका विभिन्न कुनामा रहेका नेपाली तयार रहेको बताउँदै अध्यक्ष भट्टले विश्वको एघारौं ठूलो अर्थतन्त्र अष्ट्रेलियासँगको सहकार्य नेपालको लागि महत्वपूर्ण हुने भन्दै नेपालबाट अष्ट्रेलियामा निर्यात गर्ने सेवा र सामग्रीको खोजी गर्दै व्यापार घाटालाई कम गर्नुपर्ने पनि उनको धारणा थियो ।
एनआरएनका पूर्वअध्यक्ष शेष घलेले डायस्पोरामा नेपालीहरूले देखेको र अभ्यास गरिरहेका सीप, ज्ञान नेपालमा आवश्यक रहेको धारणा राखेका थिए । उनले नेपालमा जाँदा अष्ट्रेलियाको सम्झना हुने र अष्ट्रेलियामा आउँदा नेपालमा केही गर्न पाए हुन्थ्यो भन्ने जस्तो अवस्थामा आफु रहेको सुनाए । नेपालमा लगानीका विभिन्न क्षेत्रको चर्चा गर्दै कृषि उत्पादन, मासुजन्य उत्पादन, पोलिटेक्निक शिक्षाको विस्तार, जलश्रोत, पर्यटन, नवीकरणीय ऊर्जा, शिक्षा लगायतमा दुई देशबीच लगानीकर्ताको सहकार्य हुनसक्ने धारणा राखे ।
कार्यक्रममा उपस्थितहरूलाई धन्यवाद ज्ञापन गर्दै भिक्टोरियाका लागि नेपाली अवैतनिक महावाणिज्यदूत चन्द्र योन्जनले दूतावास र महावाणिज्यदूतको कार्यालयहरू नेपालमा लगानी गर्न चाहने अष्ट्रेलियनहरूलाई समन्वय गर्न सदा तत्पर रहेको बताए । नेपालमा लगानी गर्ने अहिले सबैभन्दा उपयुक्त अवसर भएको दोहोर्याउँदै महावाणिज्यदूत योन्जनले नेपालको समृद्धिका लागि उद्योग, कलकारखाना र सेवाको विकास हुनुपर्ने भन्दै तिनै क्षेत्रमा अष्ट्रेलियन निजी क्षेत्रको लगानी पहिचान गर्न कार्यक्रम आयोजना गरिएको धारणा राखेका थिए ।
नेपालमा लगानी सम्बन्धि कार्यशाला
नेपाल अष्ट्रेलिया बिजनेश फोरमको दोस्रो शत्रमा नेपालमा वैदेशिक लगानीबारे जानकारी दिने दुई वटा कार्यशालाहरू भएका थिए । कार्यशालाका प्रमुख वक्ता लगानी बोर्डकै अधिकारी रतिस बस्नेतले नेपालमा लगानीको वातावरण र अवसरहरू, हालको कानूनी, आर्थिक र सामाजिक वातावरणबारे प्रष्ट पारेका थिए ।
अष्ट्रेलियाका १०० बढी अष्ट्रेलियन व्यवसायी र लगानीकर्ताहरू सहभागी उक्त कार्यशालामा नेपाली मूलका अष्ट्रेलियाली सफल व्यवसायी एवं परोपकारी व्यक्तित्व शेष घलेले नेपालमा लागनी गर्दाको अनुभवहरू प्रस्तुत गरेका थिए । कार्यशालामा नेपालमा लगानीको वातावरणको बारेमा नेपालका युवा व्यवसायी मंगेशलाल श्रेष्ठ, महिला व्यवसायी रन्जु थापा र सिड्नीका युवा व्यवसायी पिजे श्रेष्ठले कार्यपत्र पेश गरेका थिए ।
कार्यक्रममा नेपाल सरकारले अष्ट्रेलियाको विभिन्न राज्यका लागि तोकेका सबै महावाणिज्यदूतहरू न्यु साउथ वेल्सबाट दिपक खड्का, साउथ अष्ट्रेलियाबाट दिपक धमला, पश्चिम अष्ट्रेलियाबाट फेड्रिक निल ब्राउन र क्विन्सल्याण्डबाट जोसेफ एन्थोनि टोमाको उपस्थिति थियो । एनआरएन ओसिनिया संयोजक धर्म अधिकारी, अष्ट्रेलिया अध्यक्ष तोनु गोताने, नेप्लिज एसोसिएसन अफ भिक्टोरियाका अध्यक्ष तारा गैरे र स्थानीय लेवर पार्टीका नेता डा. महेश भण्डारी कार्यक्रमको उद्घाटन शत्रमा सहभागि थिए ।
नेपाल बिजनेस तथा पर्यटन प्रवर्द्धन साँझ २०१८
नेपाल बिजनेस तथा पर्यटन प्रवद्र्धन साँझ २०१८ प्रमुख अतिथी भिक्टोरियाको व्यवस्थापिका परिषद्का अध्यक्ष ब्रुस एटकिन्सले गरेका थिए । त्यसैगरी कार्यक्रममा विपक्षी स्यडो व्यवसाय मन्त्री क्रेग ओन्डारचि, संघिय संसद पिटर खलील लगायत अन्य अष्ट्रेलियन सरकारी अधिकारीहरू, राजनीतिज्ञ, विभिन्न देशका महावाणिज्यदूतहरू, काउन्सलर पदाधिकारीहरू, ट्राभल एजेन्ट, टुर अपरेटर, भिक्टोरिया राज्यका नेपाली समुदायका अग्रजहरू, नेपाललाई माया गर्ने शुभेच्छुक र विभिन्न राज्यबाट आएका पाहुना र सञ्चारकर्मीहरूको उक्त कार्यक्रममा उपस्थिति रहेको थियो ।
नेपाल र अष्ट्रेलियाको सम्बन्ध धेरै बर्षदेखि सुदृढ रहेको बताउँदै अध्यक्ष एटकिन्सले महावाणिज्यदूतको कार्यालयले आयोजना गर्ने हरेक वर्षको नेपाल पर्यटन प्रवर्द्धन साँझमा आफू सहभागि हुन पाउँदा एकदमै रमाइलो लाग्ने र कार्यक्रमले नेपालको पर्यटकिय गन्तव्यको बिषयमा अष्ट्रेलियावासीलाई जानकारी दिन मद्दत गर्ने बताए ।
त्यसैगरी कार्यक्रममा विपक्षी स्यडो व्यवसाय मन्त्री क्रेग ओन्डारचि, संघीय संसद पिटर खलीलले कार्यक्रममा सहभागी हुन पाउँदा एकदमै खुसी लागेको र आउँदा दिनहरूमा पनि नेपालको व्यवसायिक र पर्यटन विस्तारमा यसरी नै एकजुट भएर काम गर्न शुभकामना दिएका थिए ।
कार्यक्रममा नेपालको हिमाल, पहाड र तराई झल्कने साँस्कृतिक सामाग्री प्रस्तुत गरिएको थियो । कार्यक्रमस्थलमा बुद्धको मूर्ति, मिथिला चित्र, हस्तकलाका सामानहरु र चित्रकार ग्यालरीको नेपाल झल्कने चित्रहरू प्रदर्शन गरिएको थियो ।
कार्यक्रममा मेलवर्नका विभिन्न ट्राभल कम्पनी, एयरलाइन्सका प्रतिनिधिहरू, नेपाल घुमेर फर्केका पर्यटक, स्वयंसेवक, नेपालमा शिक्षा, स्वास्थ्यको क्षेत्रमा काम गर्ने एनजिओका प्रतिनिधिहरूको बाक्लो उपस्थिति रहेको थियो । उक्त कार्यक्रममा नेपाल पर्यटन बोर्डका प्रतिनिधिले नेपालमा गर्न सकिने पर्यटकीय गतिविधिहरूको बारेमा जानकारी गराएका थिए ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
तिता कुरा बिर्सेर नेतृत्वलाई सहयोग गर्न डा. लोहनीको आग्रह
- 5 hours ago
काठमाडौँ । राप्रपाका निवर्तमान अध्यक्ष डा. प्रकाश चन्द्र लोहनीले तिता कुरा बिर्सेर नेतृत्वलाई सहयोग गर्न आग्रह गरेका छन्। नवनिर्वाचित पदाधिकारी तथा केन्द्रीय सदस्यहरूको शपथ तथा प्रमाणपत्र वितरण कार्यक
पेक्रेसेले सन् २०२२ को राष्ट्रपतीय निर्वाचनका लागि फ्रान्सको लेस रिपब्लिकन पार्टीको प्रतिनिधित्व गर्ने
- 5 hours ago
एजेन्सी । फ्रान्सको इले–डे–फ्रान्स क्षेत्रका अध्यक्ष भ्यालेरी पेक्रेसेले शनिबार पार्टीको चुनाव जितेर अप्रिल २०२२ मा हुने राष्ट्रपति चुनावमा लेस रिपब्लिकन पार्टीको प्रतिनिधित्व गर्नेछन् ।
सूर्य नेपाल गल्फ सोमबारबाट
- 6 hours ago
काठमाडौँ । सूर्य नेपाल गल्फ टूर २०२१/२२ प्रतियोगिता भोलि (सोमबार) बाट सुरू हुने भएको छ। आयोजक प्रोफेस्नल गल्फर एसोसिएसनले आइतबार पत्रकार सम्मेलन गर्दै प्रतियोगिता सोमबारबाट सुरू भइ बिहीबार समापन हुने
पर्यटन
सिर्के चरा
कञ्चनपुर । शुक्लाफाँटा राष्ट्रिय निकुञ्जको मध्यवर्ती क्षेत्र कालागौंडीमा देखापरेको कालो सिर्के चरा ।
जीवनशैली
घर र अफिसमा प्रयोग गर्नुहोस् यी फर्निचर, फाइदा हुनेछः वास्तुशास्त्र
एजेन्सी । आज वास्तुशास्त्रमा घर र कार्यालयका फर्निचरको प्रयोग बारे जान्नुहोस्। यदि तपाईं घर वा कार्यालयमा काठसँग सम्बन्धित कुनै काम सुरु गर्न चाहनुहुन्छ भने, ध्यान राख्नुहोस् कि काठको कामको लागि सधैं दक्षिण वा पश्चिम दिशाबाट सुरु गर्नुहोस् र उत्तर वा पूर्व दिशामा समाप्त गर्नुहोस्।
विचित्र विश्व
विश्वभर ओमिक्रोनको त्रास, हालसम्म कतिवटा देशमा भेटियो कोरोनाको यो भेरियन्ट ?
एजेन्सी । दक्षिण अफ्रिकामा कोरोना भाइरसको नयाँ भेरियन्ट ओमिक्रोन पत्ता लागेदेखि विश्वभर फैलिने क्रम जारी रहेको छ । ओमिक्रोन श्रीलंका, भारत, जापान, मलेसिया, सिंगापुर र दक्षिण कोरिया जस्ता एसियाली राष्ट्रहरू सहित दुई दर्जन भन्दा बढी देशहरूमा फैलिएको छ।
