चलचित्र ‘संजू’ को कमाई कति ?

• शुक्रबार, २२ आषाढ, २०७५
• 2 years ago
• कला र मनोरञ्जन

काठमाडौँ ।  बलिउड अभिनेता रणबीर कपूर अभिनित चलचित्र ‘संजू’ले बक्स अफिसमा करिब २ सय करोड कलेक्शन गर्न सफल भएको छ । भारतीय व्यापार विश्लेषक तरण आदर्शले ट्विटरमा बताएअनुसार फिल्मले ६ दिनमा १८६.४१ करोड कलेक्शन गरेको छ । बुधबार मात्रै चलचित्रले १८.८० करोड कमाउन सफल भएको छ । 

 

यस्तै चलचित्रले पहिलो दिन ३४.७५ करोड, दोस्रो दिन ३८.६० करोड, तस्रो दिन ४६.७१ करोड, चौथो दिन २५.३५ करोड, पाँचौ दिन २२.१० करोेड सहित १६७.५१ करोड कमाई गरेको थियो । 

 

यो कमाईले बलिउड चलचित्र क्षेत्रको बक्स अफिसमा नयाँ रेकर्ड राख्न सफल भएको छ । चलचित्रले तीन दिनमा १२०.०६ करोड कमाएको थियो । 

 

संजय दत्तको जीवनमा आधारित रहेर बनेको यस चलचित्र २९ जुनमा रिलीज भएको थियो । चलचित्रमा रणबीर कपूरका साथै परेश रावल र विक्की कौशलको अभिनयको पनि निकै प्रशंसा भएको छ । चलचित्रमा दीया मिर्जा, सोनम कपूर, अनुष्का शर्मा, बोमन ईरानी र जिम सर्भको भूमिका रहेको छ । चलचित्रको निर्देशन राजकुमार हिरानीले गरेका छन् । 

 

 

 

 

• संजू

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।